ஆன்மிகத்தில் ஒளிந்திருக்கும் 10 அறிவியல் உண்மைகள் – முன்னோர்களின் அரிய வழிகாட்டல்!

நாம் அன்றாடம் பின்பற்றும் பல ஆன்மீகச் சடங்குகளைப் பார்த்து, 'இதெல்லாம் வெறும் மூடநம்பிக்கை' என்று சிலர் சொல்வதைக் கேட்டிருப்போம். ஆனால், உண்மையில் நமது முன்னோர்கள் வகுத்த ஒவ்வொரு சடங்கிற்கு பின்னாலும் சக்திவாய்ந்த அறிவியல் மற்றும் மருத்துவக் காரணங்கள் ஒளிந்திருக்கின்றன!

1. இரு கைகளைக் கூப்பி 'வணக்கம்' தெரிவித்தல்:

யாரையாவது பார்த்தால் கைகளைக் கூப்பி வணக்கம் சொல்வது நமது பண்பாடு. அறிவியல் ரீதியாக, ஐந்து விரல்களின் நுனிகளிலும் முக்கிய நரம்புப் புள்ளிகள் (Acupressure Points) உள்ளன. கைகளைக் கூப்பும்போது அந்தப் புள்ளிகள் அழுத்தப்பட்டு, கண், காது மற்றும் மூளையின் நரம்புகள் தூண்டப்படுகின்றன. இதனால் எதிரில் இருப்பவரை நாம் நீண்ட காலம் நினைவில் வைத்திருக்க முடிகிறது.

2.நெற்றியில் திலகம் அல்லது குங்குமம் வைப்பது:

இரு புருவங்களுக்கு இடைப்பட்ட பகுதியை 'ஆக்ஞா சக்ரா' என்பார்கள். இதுவே உடலின் மைய நரம்புப் புள்ளியாகும். அந்த இடத்தில் திலகம் வைக்கும்போது, உடலின் முக்கிய ஆற்றல் (Energy) வீணாகாமல் சேமிக்கப்படுகிறது. மேலும், அது மூளைக்குச் செல்லும் ரத்த ஓட்டத்தை சீராக்கி கவனக்குவிப்பை அதிகரிக்கிறது.

3. கோவில் மணி அடிக்கும் காரணம்:

கோவிலுக்குச் சென்றதும் மணி அடிப்பது வழக்கமான ஒன்று. சாதாரண உலோகங்களால் அல்லாமல், தாமிரம், துத்தநாகம், வெண்கலம் போன்ற குறிப்பிட்ட விகிதத்திலான உலோகங்களால் இந்த மணிகள் செய்யப்படுகின்றன. இதை அடிக்கும்போது உருவாகும் ஓசை, இடது மற்றும் வலது மூளையை ஒரே நேரத்தில் தூண்டி, மனதில் இருக்கும் தேவையற்ற எண்ணங்களை நீக்கி அமைதியைத் தருகிறது.

4. தரையில் சம்மணமிட்டு அமர்ந்து சாப்பிடுதல்:

தரையில் 'சுகாசன' நிலையில் அமரும்போது, நமது உடலில் ரத்த ஓட்டம் வயிற்றுப் பகுதியை நோக்கி பாய்கிறது. உணவை எடுக்கும்போது முன்னோக்கி குனிந்து, நிமிர்ந்து சாப்பிடுவதால் வயிற்றுத் தசைகள் தூண்டப்பட்டு, செரிமான அமிலங்கள் சரியாகச் சுரக்கின்றன. இது உணவை எளிதில் செரிமானம் செய்ய உதவுகிறது.

5. வாரம் ஒருமுறை விரதம் (உபவாசம்) இருப்பது:

விரதம் இருப்பது ஆன்மீகத்தில் புண்ணியம் தரும் சடங்காகக் கருதப்படுகிறது. ஆனால் அறிவியல்படி, தொடர்ச்சியாக வேலை செய்யும் நமது செரிமான மண்டலத்திற்கு ஓய்வு தருவதே விரதம். இது உடலிலிலுள்ள நச்சுகளை (Toxins) வெளியேற்றி, நோய் எதிர்ப்புச் சக்தியை உயர்த்துகிறது.

6. குழந்தைகளுக்கு காது குத்தும் வழக்கம்:

இந்தியப் பாரம்பரியத்தில் ஆண்பெண் இருபாலருக்கும் காது குத்தும் பழக்கம் உண்டு. காது மடலின் மையப் பகுதியில் குத்துவது, மூளையின் முடிவெடுக்கும் திறனை அதிகரிக்கும் என்று சொல்லப்படுகிறது. மேலும், பெண்களின் மாதவிடாய் சுழற்சியைச் சீராக்கவும் இது உதவுகிறது.

7. வடக்கு திசையில் தலைவைத்து தூங்கக்கூடாது:

பூமி ஒரு மிகப்பெரிய காந்தத்தைப் போன்றது. மனித உடலிலும் காந்தப்புலம் உள்ளது. வடக்கே தலைவைத்து தூங்கும்போது, பூமியின் காந்தப்புலமும் உடலின் காந்தப்புலமும் மோதிக்கொள்கின்றன. இதனால் ரத்த ஓட்டத்தில் மாறுபாடு ஏற்பட்டு தலைவலி, தூக்கமின்மை மற்றும் ரத்த அழுத்தப் பிரச்சினைகள் உருவாக்கலாம்.

8. பெரியோர் கால் தொட்டு வணங்குதல்:

பெரியவர்களின் பாதங்களைத் தொட்டு வணங்கும்போது, நமது உடலிலிருந்து எதிர்மறை எண்ணங்கள் நீங்குகின்றன. அறிவியல் ரீதியாக, நமது விரல் நுனிகளிலிருந்து புறப்படும் ஆற்றல், அவர்களின் பாதங்கள் வழியாகச் சென்று, அவர்களுடைய ஆசியாக (Positive Energy) மீண்டும் நமது கை விரல்கள் வழியாக உடலுக்குள் சுழற்சி முறையில் வந்தடைகிறது.

9. துளசிச் செடியை வழிபடுதல்:

வீட்டு வாசலில் துளசி வைத்து வழிபடுவது நமது வழக்கம். துளசி தாவரம் 24 மணி நேரமும் அதிகளவில் ஆக்சிஜனை வெளியிடும் திறன் கொண்டது. மேலும், காற்றில் உள்ள பாக்டீரியாக்களை அழிக்கும் மருத்துவக் குணமும் அதற்கு உண்டு. துளசி இலையை சாப்பிடுவது நோய் எதிர்ப்புச் சக்தியைப் பெருக்கும்.

10. கைகளில் மருதாணி (மெஹந்தி) வைப்பது:

சுப நிகழ்ச்சிகளில் மருதாணி வைப்பது அழகுக்காக மட்டுமல்ல. மருதாணி ஒரு இயற்கை குளிர்ச்சித் தரும் பொருள். மன அழுத்தம், தலைவலி அல்லது உடல் சூடு அதிகரிக்கும்போது, கைகள் மற்றும் கால்களில் மருதாணி வைப்பது உடலின் வெப்பநிலையைக் குறைத்து நரம்புகளை அமைதிப்படுத்துகிறது.

நமது முன்னோர்கள் எதையுமே சும்மா சொல்லவில்லை! அறிவியல் பூர்வமான வாழ்வியலையே ஆன்மீகம் என்ற பெயரில் நமக்குக் கொடுத்துச் சென்றுள்ளார்கள்.