ஷாங்காயில் நடைபெற்ற உலகத் திறன் போட்டியில் சுவிட்சர்லாந்துக்கு 12 பதக்கங்கள்

இதன் மூலம் சுவிட்சர்லாந்து போட்டியில் சிறந்த ஐரோப்பிய அணியாகவும், உலக அளவில் முதல் மூன்று நாடுகளில் ஒன்றாகவும் இடம்பிடித்துள்ளது.

நான்கு நாட்களுக்கு மேலாக நடைபெற்ற போட்டியில், சுவிட்சர்லாந்தைச் சேர்ந்த 42 தொழிற்கல்வி மாணவர்கள் பல்வேறு திறன் பிரிவுகளில் பங்கேற்றனர்.

“தொழில் 4.0” உள்ளிட்ட பிரிவுகளில் பங்கேற்ற சுவிஸ் இளம் தொழில் வல்லுநர்கள், தங்கள் திறமையை வெளிப்படுத்தி உலக சாம்பியன் பட்டங்களையும் வென்றுள்ளனர்.

சுவிட்சர்லாந்தில் தொழிற்பயிற்சியின் மூலம் தங்கள் திறமைகளை வளர்த்துக் கொண்ட இவர்கள், போட்டிக்காக நீண்டகால பயிற்சிகளையும் மேற்கொண்டிருந்தனர்.

கடந்த 2024ஆம் ஆண்டு லியோனில் நடைபெற்ற உலகத் திறன் போட்டியில் சுவிட்சர்லாந்து 15 பதக்கங்களை வென்று, ஐரோப்பிய நாடுகளில் முதலிடத்தையும், ஒட்டுமொத்த நாடுகளின் தரவரிசையில் மூன்றாவது இடத்தையும் பிடித்திருந்தது.