13-வது ஓய்வூதியத்துக்கு நிதி திரட்ட VAT வரி உயர்வு – நவம்பர் 29-ல் வாக்கெடுப்பு

VAT வரியை தற்போதைய 8.1 சதவீதத்தில் இருந்து 8.5 சதவீதமாக உயர்த்த மத்திய அரசு திட்டமிட்டுள்ளது. இதன் மூலம் ஆண்டுக்கு சுமார் 1.5 பில்லியன் பிராங்குகள் கூடுதல் வருவாய் கிடைக்கும் என எதிர்பார்க்கப்படுகிறது.

13-வது ஓய்வூதியத்துக்கு வழங்க வேண்டிய தொகை 2026-ஆம் ஆண்டில் 4.2 பில்லியன் பிராங்குகளாக இருக்கும் என்றும், 2040-ஆம் ஆண்டுக்குள் அது 5.4 பில்லியன் பிராங்குகளாக அதிகரிக்கும் என்றும் தெரிவிக்கப்பட்டுள்ளது.

முதல் 13-வது ஓய்வூதியத் தொகை டிசம்பர் 1-ஆம் தேதி சுவிஸ் மக்களின் வங்கிக் கணக்குகளில் செலுத்தப்பட உள்ளது. இதனால் நவம்பர் 29-ஆம் தேதி நடைபெறும் வாக்கெடுப்பு முக்கியத்துவம் பெற்றுள்ளது.

இந்த VAT உயர்வு திட்டத்துக்கு இடதுசாரி மற்றும் வலதுசாரி தரப்புகளிலிருந்தும் எதிர்ப்பு தெரிவிக்கப்பட்டுள்ளதால், மக்கள் மற்றும் மாகாணங்களின் இரட்டை பெரும்பான்மை கிடைப்பது உறுதியில்லை என தெரிவிக்கப்பட்டுள்ளது.