ஒரே வாரத்தில் 2 படங்கள் ரிலீஸ்: தமிழ் சினிமாவில் கயாடு லோஹரின் புதிய மைல்கல்!

திரையுலகில் தனக்கென தனி ரசிகர் பட்டாளத்தை உருவாக்கி, வளர்ந்து வரும் இளம் நடிகையான கயாடு லோஹர் ஒரே வாரத்தில் தனது இரண்டு திரைப்படங்கள் அடுத்தடுத்து வெளியாக உள்ளதால் மிகுந்த மகிழ்ச்சியில் உள்ளார்.

பிரதீப் ரங்கநாதன் நடிப்பில் வெளியாகி பெரும் வரவேற்பைப் பெற்ற 

‘டிராகன்’ படத்தின் மூலம் தமிழ் திரையுலகில் கவனம் ஈர்த்த நடிகை கயாடு லோஹர், அவர் தற்போது .துல்கர் சல்மானுடன் இணைந்து நடித்துள்ள ‘ஐ’ம் கேம்’ திரைப்படம் செப்டம்பர் 3-ம் தேதியும், ஜி.வி.பிரகாஷ் குமாருக்கு ஜோடியாக நடித்துள்ள ‘இம்மார்ட்டல்’ திரைப்படம் செப்டம்பர் 4-ம் தேதியும் அடுத்தடுத்து திரையரங்குகளில் வெளியாக உள்ளன.

துல்கர் சல்மான் மற்றும் ஜி.வி. பிரகாஷ் குமார் என தென்னிந்தியாவின் முன்னணி நட்சத்திரங்களுடன் இவர் இணைந்து நடித்துள்ள திரைப்படங்கள் ஒரே வாரத்தில் வெளியாவது சினிமா வட்டாரத்தில் பெரும் எதிர்பார்ப்பை ஏற்படுத்தியுள்ளது.

ஒரே வார இடைவெளியில் இரு வேறு முன்னணி நாயகர்களின் படங்களில் நாயகியாக கயாடு லோஹர் தோன்ற இருப்பது, அவரது திரைப்பயணத்தில் முக்கிய மைல்கல்லாகப் பார்க்கப்படுகிறது.

இதுமட்டுமன்றி, இம்மாத இறுதியில் நானியுடன் இணைந்து நடித்த 'தி பாரடைஸ்' திரைப்படமும் வெளியாகவுள்ள நிலையில், கயாடு லோஹருக்குத் திரையுலகிலும் ரசிகர்கள் மத்தியிலும் எதிர்பார்ப்பு அதிகரித்துள்ளது.