செஸ் உலகில் வரலாற்றுச் சாதனை! 5 முறை உலக சாம்பியனான மேக்னஸ் கார்ல்சனை வீழ்த்திய 15 வயது இந்தியச் சிறுவன்!

டெல்லியைச் சேர்ந்த 15 வயதான கேண்டிடேட் மாஸ்டர் வந்தன் அலங்கார் சவாய் 'Chess.com' நடத்திய ஆன்லைன் 'டைட்டிலர் டியூஸ்டே' பிளிட்ஸ் போட்டியில் உலக தரவரிசையில் முதல் இடத்தில் உள்ள மேக்னஸ் கார்ல்சனை 50 நகர்த்தல்களில் வீழ்த்தி அபார வெற்றி பெற்றுள்ளார்.

எந்தவிதப் பதற்றமும் இன்றி வெள்ளைக் காய்களுடன் களம் கண்ட வந்தன், கார்ல்சனின் சிறிய தவறையும் தனக்குச் சாதகமாகப் பயன்படுத்தி உலக சாம்பியனை அதிர வைத்துள்ளார்.

இவ்வளவு பெரிய வரலாற்று வெற்றியைப் பெற்ற பிறகும், வந்தன் அதுகுறித்து யாரிடமும் பெருமையாகப் பேசாமல் சாதாரணமாக உறங்கச் சென்றுள்ளார். மறுநாள் அவரது தந்தை ஆன்லைனில் விளையாட்டின் முடிவுகளைப் பார்த்த பிறகே, தன் மகன் மேக்னஸ் கார்ல்சனையே வீழ்த்தியிருக்கும் இந்த வரலாற்றுச் சாதனையை அறிந்து ஆச்சரியப்பட்டுள்ளார்!

இந்திய செஸ் உலகிற்கு மேலும் ஒரு நவரத்தினமாக உருவெடுத்துள்ள சிறுவன் வந்தன் சவாய்க்கு உலகெங்கிலுமிருந்து பாராட்டுகள் குவிந்து வருகின்றன!