நேர்மறை ஆற்றலையும் அருளையும் தரும் எலுமிச்சை மாலை வழிபாடு!

எலுமிச்சை பழத்திற்கு எதிர்மறை ஆற்றல்களை நீக்கி, நேர்மறை அதிர்வுகளை உருவாக்கும் சக்தி உண்டு என்பது ஆன்மீக நம்பிக்கையாகும். இதனால் குடும்பத்தில் உள்ள தடைகள் நீங்கவும், தொழில் மற்றும் கல்வியில் விருத்தி அடையவும், நோய் நொடிகள் தீரவும் பக்தர்கள் எலுமிச்சை மாலையை அம்மனுக்குச் சாற்றுகின்றனர்.

குறிப்பாக, 9, 18, 27, 54 அல்லது 108 என்ற எண்ணிக்கையில் எலுமிச்சை பழங்களைக் கோர்த்து மாலையாக அம்மனுக்கு அணிவித்து, ராகு கால வேளையில் நெய் தீபமேற்றி வழிபடும் போது, நினைத்த காரியங்கள் தடையின்றி வெற்றி பெறும் என்பது பக்தர்களின் தீவிர நம்பிக்கையாக உள்ளது.

இத்தகைய விசேட நாட்களில் பக்தர்கள் குடும்பத்துடன் ஆலயங்களுக்குச் சென்று, அம்மனுக்கு எலுமிச்சை மாலை சாற்றித் தங்கள் வேண்டுதல்களைச் செலுத்தி அருள்பெற்று வருகின்றனர்.