பார்சிலோனா வரலாற்றில் புதிய அத்தியாயம்: மிக இளம் வயது கேப்டனாக லாமின் யமால் சாதனை!

ஸ்பெயின் கால்பந்து உலகின் இளம் நட்சத்திரமான லாமின் யமால் , பார்சிலோனா அணியின் கேப்டன் பொறுப்பை ஏற்று புதிய வரலாற்றுச் சாதனை படைத்துள்ளார். 

சமீபத்தில் நடைபெற்ற யுஇஎஃப்ஏ சாம்பியன்ஸ் லீக் போட்டியில், ஃபெயினூர்டு அணிக்கு எதிராகத் தனது 19 வயது 58 நாட்களில் பார்சிலோனா அணியை வழிநடத்தியதன் மூலம், கிளப் வரலாற்றிலேயே மிகக் குறைந்த வயதில் கேப்டன் பொறுப்பை ஏற்ற வீரர் என்ற பெருமையை அவர் பெற்றுள்ளார். 

இதன் மூலம் கடந்த 2010 ஆம் ஆண்டு போஜன் க்ர்கிச் படைத்த சாதனையை யமால் முறியடித்துள்ளார்.

இப்போட்டியின் 71-வது நிமிடத்தில் முதன்மை கேப்டன் ரஃபின்ஹா மைதானத்தில் இருந்து வெளியேறியபோது, கேப்டன் பேண்டை யமாலிடம் வழங்கிச் சென்றார். 

கேப்டன் பொறுப்பை ஏற்றது மட்டுமின்றி, இப்போட்டியில் 1 கோல் மற்றும் 2 அசிஸ்ட்களை வழங்கி, பார்சிலோனா அணி 5-1 என்ற கணக்கில் அபார வெற்றி பெறவும் லாமின் யமால் மிக முக்கியக் காரணமாக அமைந்தார்.