ஜெனீவா விமான நிலையத்தில் புதிய பயணப் போக்கு

ஜூலை மாதத்தில் சீனாவுக்கு பயணம் செய்த அல்லது சீனாவில் இருந்து ஜெனீவா வந்த பயணிகளின் எண்ணிக்கை 25 ஆயிரத்து 900 ஆக இருந்தது. அதே நேரத்தில், அமெரிக்காவுக்கான பயணிகள் எண்ணிக்கை 23 ஆயிரத்து 100 ஆக பதிவானது.

ஆகஸ்ட் மாதத்தில் இந்த இடைவெளி மேலும் அதிகரித்து, சீனப் பயணிகள் எண்ணிக்கை 29 ஆயிரத்து 300 ஆகவும், அமெரிக்கப் பயணிகள் எண்ணிக்கை 25 ஆயிரத்து 300 ஆகவும் இருந்தது.

கடந்த ஆண்டு இதே காலகட்டத்தில், அமெரிக்காவுக்கான பயணிகள் எண்ணிக்கை சீனாவை விட இருமடங்காக இருந்த நிலையில், தற்போது ஏற்பட்டுள்ள மாற்றம் குறிப்பிடத்தக்கது என ஜெனீவா விமான நிலைய அதிகாரி ஒருவர் தெரிவித்துள்ளார்.

சீன சுற்றுலா நிறுவனங்கள் சுவிட்சர்லாந்துக்கான சுற்றுலாவை மீண்டும் ஊக்குவிக்கும் வகையில் மேற்கொண்ட நடவடிக்கைகளும், ஜெனீவா மற்றும் சீனாவின் முக்கிய நகரங்களுக்கு இடையிலான நேரடி விமான சேவைகள் அதிகரித்திருப்பதும் இந்த மாற்றத்துக்கு காரணமாகக் கூறப்படுகிறது.