சூரிச் ஏரியில் 74 ஆண்டுகளுக்குப் பிறகு மீண்டும் தோன்றிய சிறிய தீவு

தற்போது ஏரியின் நீர்மட்டம் கடல் மட்டத்திலிருந்து 405.24 மீட்டர் உயரத்தில் இருப்பதாக தெரிவிக்கப்பட்டுள்ளது. ஸ்டாஃபா கடற்கரையிலிருந்து சுமார் 400 மீட்டர் தொலைவில் இந்தச் சிறிய தீவு காணப்படுகிறது.

சிறிய படகு ஒன்றை நிறுத்தி, அங்கு சிற்றுண்டி சாப்பிடும் அளவுக்கு இந்தப் பகுதி இருப்பதாக கூறப்படுகிறது. வழக்கமாக இந்த இடத்தில் ‘ஸ்டாஃப்னர் ஸ்டீன்’ என்ற பாறை மட்டுமே நீருக்கு வெளியே தெரியும்.

கடந்த 74 ஆண்டுகளுக்கு முன்பு, அதாவது 1952ஆம் ஆண்டில் மிகக் குறைந்த நீர்மட்டம் பதிவானபோதும் இந்தச் சிறிய தீவு வெளிப்பட்டதாக தெரிவிக்கப்பட்டுள்ளது. அதற்கு முன்பு 1909ஆம் ஆண்டிலும் இது காணப்பட்டதாக கூறப்படுகிறது.

ஸ்டாஃபா கல்லில் குறிக்கப்பட்டிருந்த அப்போதைய நீர்மட்ட அடையாளமும் தற்போது மீண்டும் வெளிப்பட்டுள்ளது.

ஏரியின் நீர்மட்டம் இயல்பு நிலைக்குத் திரும்ப இன்னும் சில காலம் ஆகலாம் என எதிர்பார்க்கப்படுவதால், இந்தத் தீவு இன்னும் சில காலத்திற்கு சுற்றுலாப் பயணிகளின் கவனத்தை ஈர்க்கும் இடமாக இருக்கும் என தெரிவிக்கப்பட்டுள்ளது.