ஆராவ் மியூசிக் பார்ட்டி துப்பாக்கிச் சூடு: கைதான நபர் தனியாகவே திட்டமிட்டுத் தாக்கியதாக சுவிஸ் போலீஸ் அதிரடி அறிக்கம்!

சுவிட்சர்லாந்தின் வடக்கு நகரான ஆராவ் பகுதியில் கடந்த வார இறுதியில் நடைபெற்ற இரவு நேர இசை நிகழ்ச்சி ஒன்றில் துப்பாக்கிச் சூடு நடத்தப்பட்ட சம்பவம் ஐரோப்பா முழுவதும் அதிர்ச்சியை ஏற்படுத்தியிருந்தது. இந்தத் தாக்குதலில் 22 வயதுடைய இத்தாலியப் பெண் ஒருவர் சம்பவ இடத்திலேயே உயிரிழந்தார் மற்றும் 5 பேர் படுகாயமடைந்தனர்.

இச்சம்பவம் தொடர்பாக 43 வயதான சுவிஸ் குடிமகன் ஒருவர் டெலிமாண்ட் காவல் நிலையத்தில் ஆயுதங்களுடன் சரணடைந்ததை அடுத்து அவர் கைது செய்யப்பட்டார். 

இது குறித்து ஆர்காவ் கேண்டன் காவல் துறைத் தலைவர் மைக்கேல் லியுபோல்ட் நடத்திய பத்திரிகையாளர் சந்திப்பில், "கைது செய்யப்பட்ட நபர் எந்தவொரு தீவிரவாத அல்லது அரசியல் பின்னணியும் இல்லாத Lone Perpetrator என்பது முதற்கட்ட விசாரணையில் உறுதியாகியுள்ளது" என்று தெரிவித்தார். 

எனினும், குற்றவாளிக்கு மனநல பாதிப்புகள் இருக்கலாம் என்ற கோணத்தில் அரசு வழக்கறிஞர்கள் மேல் விசாரணையைத் தீவிரப்படுத்தியுள்ளனர்.