மத உணர்வுகளைப் புண்படுத்திய குற்றச்சாட்டு: பாலி தீவில் சுவிஸ் சுற்றுலாப் பயணிக்கு தண்டனை!

இந்தோனேசியாவின் பாலி தீவில், இந்துக்களின் புனித நாளான 'ஞேபி' (Nyepi) எனப்படும் மௌன விரத தினத்தை அவமதித்து சமூக வலைதளங்களில் பதிவிட்ட சுவிட்சர்லாந்து சுற்றுலாப் பயணிக்கு ஓராண்டு சிறைத்தண்டனை விதித்து டென்பசார் (Denpasar) மாவட்ட நீதிமன்றம் தீர்ப்பளித்துள்ளது.

லூசியான் ஆண்ட்ரின்  லூசியான் ஆண்ட்ரின் ஜக்ராக்ஹென் (Luzian Andrin Zgraggen) என்ற 26 வயது சுவிஸ் சுற்றுலாப் பயணி, இந்த ஆண்டின் தொடக்கத்தில் பாலி தீவில் கடைப்பிடிக்கப்பட்ட புனித மௌன விரத நாளன்று வெளியே செல்ல விதிக்கப்பட்ட தடையை மீறியுள்ளார்.

'ஞேபி' திருநாளின் போது பாலி தீவு முழுவதும் வீதிகள், கடற்கரைகள் மற்றும் விமான நிலையம் மூடப்பட்டு, இணைய சேவைகளும் நிறுத்தப்படும்.

இந்த நிலையில், கட்டுப்பாடுகளை மீறி கடற்கரைக்குச் சென்ற அந்த நபர், அதுகுறித்த வீடியோவை இன்ஸ்டாகிராமில் பதிவிட்டு அப் பாரம்பரியத்தை அவமதித்துப் பேசியுள்ளார். 

 இந்த வீடியோ சமூக வலைதளங்களில் வைரலாகி, பாலி மக்களின் மத உணர்வுகளைக் காயப்படுத்தியதை அடுத்து, அங்குள்ள மக்களின் புகாரின் பேரில் அவர் கைது செய்யப்பட்டார்.