சுவிட்சர்லாந்தில் அதிரடி விலை உயர்வு: 2 ஆண்டுகளில் இல்லாத உச்சத்தில் பணவீக்கம்!

சுவிட்சர்லாந்தில் Consumer Price Inflation எதிர்பார்த்ததை விட அதிகமாக உயர்ந்து, கடந்த இரண்டு ஆண்டுகளில் இல்லாத உச்சத்தை எட்டியுள்ளதாக அந்நாட்டின் கூட்டாட்சி புள்ளியியல் அலுவலகம் தெரிவித்துள்ளது.  

ஜூலை மாதத்தில் 0.4 சதவீதமாக இருந்த பணவீக்க விகிதம், ஆகஸ்ட் மாதத்தில் 0.8 சதவீதமாக உயர்ந்துள்ளது. இது கடந்த 2024 செப்டம்பர் மாதத்திற்குப் பிறகு மிக உயர்ந்த அளவாகும். சர்வதேச அளவில் எரிபொருள் மற்றும் எண்ணெய் விலைகளின் உயர்வு, போக்குவரத்துச் செலவுகள் அதிகரிப்பு மற்றும் வீட்டு வாடகை உயர்வு ஆகியவையே இந்த பணவீக்க அதிகரிப்பிற்கு முதன்மையான காரணங்களாக சுட்டிக்காட்டப்படுகின்றன.  

எவ்வாறாயினும், இந்த பணவீக்க விகிதம் சுவிஸ் தேசிய வங்கியின் இலக்கு வரம்பான 0 முதல் 2 சதவீதத்திற்குள்ளேயே உள்ளது என்பது குறிப்பிடத்தக்கது.