தென்காசியில் தொடங்கியது நடிகர் ஜெய்யின் புதிய படம்!

'தியாகராஜா டாக்கீஸ்' (Thiagaraja Talkies) நிறுவனத்தின் முதல் தயாரிப்பாக உருவாகும் இப்படத்திற்கு ஏ.எம். பிரபாகரன் தயாரிக்கிறார்; அறிமுக இயக்குநர் சிவ பிரசன்னா இயக்குகிறார். இப்படத்தில் நடிகர் ஜெய் ஜோடியாக டெல்னா டேவிஸ் நடிக்கிறார்.

தென்காசியில் நடைபெற்ற இப்படத்தின் தொடக்க விழாவில், தென்காசி மாவட்ட ஆட்சியர் ரஞ்சித் சிங் கலந்துகொண்டு படப்பிடிப்பைத் தொடங்கி வைத்தார்.

இன்று முதல் தொடர்ந்து 23 நாட்களுக்கு தென்காசியில் முதற்கட்டப் படப்பிடிப்பு நடத்தப்படவுள்ளதாக படக்குழு அறிவித்துள்ளது. இப்படத்திற்கு விஜய் உலகநாத் ஒளிப்பதிவு செய்ய, ஜெயச்சந்திரன் கலை இயக்கத்தையும், வி.ஜே. சபு ஜோசப் படத்தொகுப்பையும் மேற்கொள்கின்றனர்.

முற்றிலும் திகில் மற்றும் நகைச்சுவைக் கலவையாக உருவாகவுள்ள இத்திரைப்படம் குறித்த அடுத்தடுத்த அதிகாரப்பூர்வ அறிவிப்புகள் விரைவில் வெளியாகும் என எதிர்பார்க்கப்படுகிறது.