ஃபிரிட்ஜைப் பார்த்து ஷாப்பிங் செய்யும் அமேசான் AI

அமேசான் நிறுவனம் ‘Alexa for Shopping’ என்ற புதிய செயற்கை நுண்ணறிவு அம்சத்தை அறிமுகப்படுத்தியுள்ளது. இதன் மூலம், பயனர்கள் தங்கள் ஃபிரிட்ஜை புகைப்படம் எடுத்தால், அதில் தீர்ந்துபோன பொருட்களை AI கண்டறிந்து, முந்தைய வாங்குதல் வரலாறு மற்றும் உரையாடல்களின் அடிப்படையில் தேவையான பொருட்களின் ஷாப்பிங் பட்டியலை தானாகத் தயாரிக்கும்.

பொருட்கள் தீரும் முன்பே தேவையை கணித்து ஷாப்பிங் கார்ட்டை உருவாக்கும் இந்தத் தொழில்நுட்பம், வாடிக்கையாளர்களின் வாங்கும் அனுபவத்தில் புதிய மாற்றத்தை ஏற்படுத்தும் என அமேசான் தெரிவித்துள்ளது.

வாடிக்கையாளர் வாங்க முடிவு செய்த பிறகு அணுகும் பாரம்பரிய சில்லறை விற்பனை முறைக்கு மாறாக, வாடிக்கையாளரின் தேவையை முன்கூட்டியே கணித்து விற்பனை செய்யும் புதிய AI சார்ந்த அணுகுமுறையை அமேசான் உருவாக்கி வருகிறது.