பல ஆண்டுகளுக்குப் பிறகு திரையில் அஜித் - ஷாலினி கூட்டணி? வைரலாகும் செய்தி!

திரை உலகில் பல ஆண்டுகளுக்குப் பிறகு நடிகர் அஜித்குமார் மற்றும் அவரது மனைவி ஷாலினி இணைந்து புதிய படத்தில் நடிக்கவுள்ளதாக சமூக வலைதளங்களில் தகவல் பரவி வருகிறது.

'அமர்க்களம்' படத்தின் மூலம் திரையில் ஒன்றுசேர்ந்த அஜித் - ஷாலினி கூட்டணி, பின்னாள்களில் நிஜ வாழ்க்கையிலும் இணைய முடிவெடுத்து திருமணம் செய்து கொண்டனர். திருமணத்திற்குப் பிறகு ஷாலினி நடிப்பிலிருந்து முழுமையாக விலகிய நிலையில், தற்போது பல ஆண்டுகள் கழித்து மீண்டும் அஜித்தின் புதிய திரைப்படத்தில் அவர் ஒரு முக்கியக் கதாபாத்திரத்தில் நடிக்க உள்ளதாகச் செய்திகள் வெளியாகி வருகின்றன.

அஜித்தின் அடுத்த திரைப்படக் குழு, ஷாலினியிடம் ஒரு கௌரவத் தோற்றத்தில் நடிக்க பேச்சுவார்த்தை நடத்தி வருவதாகக் கூறப்படும் தகவல்கள் X (Twitter) மற்றும் இன்ஸ்டாகிராமில் வைரலாகி வருகின்றன.

இந்தத் தகவல் உண்மை என்றால், பல வருடங்களுக்குப் பிறகு தமிழ் திரையுலகின் 'கியூட் ஜோடி'யை மீண்டும் திரையில் காணலாம் என ரசிகர்கள் உற்சாகமடைந்துள்ளனர்.

இருப்பினும், இந்த செய்தி குறித்து தயாரிப்பு நிறுவனமோ அல்லது நடிகர் அஜித் தரப்போ இதுவரை எந்தவொரு அதிகாரப்பூர்வ அறிவிப்பையும் வெளியடவில்லை. இது வெறும் வதந்தியா அல்லது உண்மைதானா என்பதை அறிய அஜித் ரசிகர்கள் ஆவலுடன் காத்திருக்கின்றனர்.