சூரிச்சில் மருத்துவருக்கு எதிராக பாலியல் துன்புறுத்தல் குற்றச்சாட்டு

இந்த மருத்துவர் மீது 2020ஆம் ஆண்டு காவல்துறையில் புகார் அளிக்கப்பட்டதாகவும், அவரது மருத்துவமனையில் மறைத்து வைக்கப்பட்டிருந்த கேமரா கண்டுபிடிக்கப்பட்டதாகவும் தெரிவிக்கப்பட்டுள்ளது. எனினும், அவர் தொடர்ந்து பணியாற்ற அனுமதிக்கப்பட்டதாகவும் கூறப்படுகிறது.

2022ஆம் ஆண்டில் சூரிச் சுகாதாரத்துறை அவரது பணிகளை கட்டுப்படுத்தும் நடவடிக்கைகளைத் தொடங்கிய போதிலும், அவர் தொடர்ந்து நோயாளிகளுக்கு சிகிச்சை அளித்ததாக தெரிவிக்கப்பட்டுள்ளது. கடந்த ஜூலை மாதம் அவர் கைது செய்யப்பட்டு, தற்போது விசாரணைக் காவலில் வைக்கப்பட்டுள்ளார்.

சுவிட்சர்லாந்து மற்றும் ஆஸ்திரியாவில் அவருக்கு எதிராக விசாரணைகள் நடைபெற்று வருகின்றன. காவல்துறையினர் பெருமளவிலான தரவுகளை கைப்பற்றியுள்ள நிலையில், பாதிக்கப்பட்டிருக்கக்கூடிய பெண்களை அடையாளம் காணும் பணிகளும் இடம்பெற்று வருகின்றன.

ஆஸ்திரியாவில், 2005ஆம் ஆண்டு முதலே பெண் நோயாளிகள் தொடர்பான முறைகேடுகள் நடந்திருக்கலாம் என அதிகாரிகள் சந்தேகிப்பதாக தெரிவிக்கப்பட்டுள்ளது.