ரூ.8,600 கோடி முதலீட்டில் இறங்கும் அப்போலோ ஹாஸ்பிட்டல்ஸ்: புதிய இயக்குநராக உபாசனா கொனிடேலா பொறப்பேற்பு!

நாட்டின் பல்வேறு முக்கிய நகரங்களில் புதிய அதிநவீன மருத்துவமனைகளைக் கட்டுதல், தற்போதைய மருத்துவமனைகளில் படுக்கைகளின் எண்ணிக்கையை அதிகரித்தல் மற்றும் மருத்துவத் தொழில்நுட்ப மேம்பாடுகளைச் செய்தல் போன்ற உள்கட்டமைப்பு பணிகளுக்காக இந்த ரூ.8,600 கோடி நிதி ஒதுக்கீடு செய்யப்பட்டுள்ளது. இதன் மூலம் அடுத்த சில ஆண்டுகளில் அப்போலோ குழுமத்தின் மருத்துவச் சேவைகள் அடுத்த கட்டத்திற்குச் செல்லும் என எதிர்பார்க்கப்படுகிறது.

இந்த முக்கிய விரிவாக்கப் பணிகளுக்கு இடையே, தொழிலதிபர் உபாசனா கொனிடேலா அப்போலோ ஹாஸ்பிட்டல்ஸ் நிர்வாகக் குழுவின் புதிய இயக்குநராக நியமிக்கப்பட்டுள்ளார். அப்போலோ குழுமத்தின் கார்ப்பரேட் சமூகப் பொறுப்புணர்வு நடவடிக்கைகள் மற்றும் டிஜிட்டல் சுகாதாரச் முன்னெடுப்புகளில் நீண்டகாலமாகச் சிறப்பாகச் செயலாற்றி வந்த உபாசனாவுக்கு, தற்போது இந்த உயரிய பொறுப்பு வழங்கப்பட்டுள்ளது.

அப்போலோ குழுமத்தின் இந்த மிகப்பெரிய நிதி முதலீடு மற்றும் புதிய தலைமை நியமனம், இந்தியச் சுகாதாரத் துறையில் பெரும் வரவேற்பையும் கவனத்தையும் பெற்றுள்ளது.