ரெவொலூட் சுவிஸ் வங்கி உரிமத்திற்கு விண்ணப்பம்

ஃபின்மா எனப்படும் சுவிஸ் நிதிச் சந்தை மேற்பார்வை ஆணையத்தின் ஒப்புதல் கிடைத்தால், சுவிஸ் வாடிக்கையாளர்கள் ரெவொலூட் கணக்கில் நேரடியாக சம்பளம் பெறவும், சேமிப்புத் தொகையை வைப்பாக வைத்திருக்கவும் முடியும் என நிறுவனத்தின் இயக்குநர்கள் தெரிவித்துள்ளனர்.

சுவிட்சர்லாந்தில் தனது செயல்பாடுகளை விரிவுபடுத்தும் வகையில், அடுத்த ஐந்து ஆண்டுகளில் 150 மில்லியன் சுவிஸ் ஃபிராங்குகளுக்கும் அதிகமாக முதலீடு செய்ய ரெவொலூட் திட்டமிட்டுள்ளது.

மேலும், தற்போது 30 பேரைக் கொண்டுள்ள சுவிஸ் குழுவின் பணியாளர் எண்ணிக்கையை 2027ஆம் ஆண்டின் இறுதிக்குள் சுமார் 90 ஆக அதிகரிக்கவும் நிறுவனம் திட்டமிட்டுள்ளது.

வங்கி உரிமம் வழங்கப்பட்டால், சுவிட்சர்லாந்தில் ஏற்கனவே செயல்பட்டு வரும் வங்கிகளுடன் ரெவொலூட் நேரடியாகப் போட்டியிடும் நிலை உருவாகும்.

எனினும், சுவிஸ் வங்கி உரிமம் வழங்குவது தொடர்பான இறுதி முடிவு நிதிச் சந்தை மேற்பார்வை ஆணையமான ஃபின்மாவிடமே உள்ளது.