சுவிட்சர்லாந்தில் ரைன் நதியில் கண்டெடுக்கப்பட்ட உடல் பாகங்கள் – உயிரிழந்தவரின் அடையாளம் தெரிந்தது!

அந்த நபர், அங்குள்ள அகதிகள் தங்கும் மையத்தில் பல நாட்களாகக் காணாமல் போயிருந்ததாக ஆர்காவ் மாகாண அரசு வழக்கறிஞர் அலுவலகம் தெரிவித்துள்ளது.

ஞாயிற்றுக்கிழமை காலை, ரைன் நதியில் மிதந்த சாக்கு ஒன்றைக் கண்ட மூன்று பேர், அதை கரைக்குக் கொண்டு வந்து திறந்தபோது மனிதக் கால் இருந்ததைக் கண்டனர். இதையடுத்து காவல்துறையினர் மேற்கொண்ட தேடுதலில், மேலும் சில பைகளில் உடல் பாகங்கள் கண்டெடுக்கப்பட்டன.

இந்தச் சம்பவம் கொலைக் குற்றமாக இருக்கலாம் என்ற சந்தேகத்தின் அடிப்படையில் விசாரணை தொடர்ந்து நடைபெற்று வருகிறது. விசாரணையின் நலன் கருதி, உயிரிழந்தவர் குறித்த கூடுதல் விவரங்களை அதிகாரிகள் வெளியிடவில்லை.