மலர்களைத் துண்டு துண்டாக்கி பூஜைக்குப் பயன்படுத்தலாமா? ஆன்மீக விதிகள் உணர்த்தும் தெளிவு!

பொதுவாக, இறைவனுக்குச் சமர்ப்பிக்கப்படும் மலர்கள் முழுமையாகவும், இதழ்கள் சிதையாமலும் இருக்க வேண்டும் என்பதே முதன்மையான விதியாகும். இறைவனுக்கு அர்ச்சனை செய்யும் போது இதழ்கள் உதிராத, காம்புகள் சிதையாத முழு மலர்களைச் சமர்ப்பிப்பதே உத்தமமானது என ஆன்மீக நூல்கள் குறிப்பிடுகின்றன.

துண்டு துண்டாக்கப்பட்ட மலர்களைப் பயன்படுத்தலாமா?

*அர்ச்சனைக்குக் கூடாது:இறைவனின் திருவடிகளில் அர்ச்சனை செய்யும் போதோ அல்லது இறை உருவங்களுக்குச் சூட்டும் போதோ மலர்களைத் துண்டு துண்டாகக் கிழித்தோ அல்லது நறுக்கியோ பயன்படுத்தக் கூடாது.

விலக்கு அளிக்கப்படும் சூழல்கள்:

*அபிஷேகம் மற்றும் ஆராதனை: சுவாமி அபிஷேகத்தின் போது தளிர்களாகப் போடப்படும் துளசி, வில்வம் மற்றும் கொளுந்து போன்றவற்றைத் தனியாக உதிர்த்துப் பயன்படுத்தலாம்.

*புஷ்பாஞ்சலி & கோலம்: இறைவனுக்குப் புஷ்பாஞ்சலி செய்யும் போதும், வாசலில் அல்லது பூஜை அறையில் பூக்கோலமிடும் போதும் இதழ்களைப் பிரித்துப் பயன்படுத்துவதில் தவறில்லை.

பூஜைக்குத் தவிர்க்க வேண்டிய மலர்கள்:

நிலத்தில் தானே உதிர்ந்த மலர்கள்.

வாடிய, புழு அல்லது பூச்சிகளால் கடிக்கப்பட்ட மலர்கள்.

துர்நாற்றம் வீசும் அல்லது மாலையில் பறிக்கப்பட்டு இரவெல்லாம் வைக்கப்பட்ட (சில குறிப்பிட்ட பூக்களைத் தவிர) மலர்கள்.

இறைவனுக்கு நாம் அற்பணிக்கும் பொருட்கள் எதுவாக இருந்தாலும், அவை தூய்மையாகவும் முழுமையாகவும் இருக்க வேண்டும் என்பதே ஆன்மீகத்தின் அடிப்படை. எனவே, இயன்ற வரை முழுமையான மற்றும் தூய்மையான மலர்களைக் கொண்டு இறைவனை வழிபடுவதே முழுமையான அருளைப் பெற்றுத் தரும் என ஜோதிட மற்றும் சாஸ்திர வல்லுநர்கள் தெரிவிக்கின்றனர்.