ஒரு சில போட்டிகளை வைத்து மதிப்பிட முடியாது! ரோகித் சர்மா , விராட் கோலிக்கு ஆதரவாக களமிறங்கிய சுப்மன் கில்!

இந்நிலையில், அவர்கள் இருவர் குறித்தும் எழும் விமர்சனங்களுக்கு இந்திய அணியின் இளம் நட்சத்திர தொடக்க ஆட்டக்காரர் சுப்மன் கில் முற்றுப்புள்ளி வைக்கும் வகையில் பதிலளித்துள்ளார்.

சமீபத்தில் நடைபெற்ற செய்தியாளர்கள் சந்திப்பில் ரோகித் சர்மா மற்றும் விராட் கோலியின் ஆட்டம் குறித்துக் கேட்கப்பட்ட கேள்விக்குப் பதிலளித்த சுப்மன் கில்

"ரோகித் பாய் மற்றும் விராட் பாய் இருவருமே தொடர்ந்து மிக அருமையாக விளையாடி வருகிறார்கள். அவர்களின் அனுபவமும், களத்தில் அவர்கள் ஆடும் விதமும் அணிக்கு மிகப்பெரிய பலம். ஒரு சில போட்டிகளில் பெரிய ரன்கள் அடிக்கவில்லை என்பதற்காக அவர்களின் திறமையை யாரும் கேள்வி கேட்க முடியாது. அவர்கள் இந்திய அணிக்காகச் செய்த பங்களிப்பும், தற்போதைய ஆட்டமும் சிறப்பாகவே உள்ளது" என்று ஆதரவாகப் பேசினார்.

தொடர்ந்து பேசிய கில், மூத்த வீரர்கள் அணியில் இருப்பது இளம் வீரர்களுக்கு எந்த அளவுக்கு உதவியாக இருக்கிறது என்பதையும் சுட்டிக்காட்டினார்:

 "அணியின் இக்கட்டான சூழ்நிலைகளில் ஆட்டத்தை எவ்வாறு கொண்டு செல்ல வேண்டும் என்பதை அவர்களிடம் இருந்து தான் நாங்கள் கற்றுக்கொள்கிறோம்.

மூத்த வீரர்களான அவர்கள் இருவரும் அணியில் உள்ள இளம் வீரர்களுக்குத் தொடர்ந்து நம்பிக்கையும், ஆலோசனைகளும் வழங்கி வருகிறார்கள்," என்று கூறினார்.

ரோகித் சர்மா மற்றும் விராட் கோலி ஆகிய இருவருமே சர்வதேச கிரிக்கெட்டில் பல சாதனைகளைச் படைத்தவர்கள். சுப்மன் கில்லின் இந்த அறிக்கை, மூத்த வீரர்களுக்கு இளம் தலைமுறை வீரர்கள் அளிக்கும் மரியாதையை வெளிப்படுத்துவதோடு, விமர்சகர்களுக்கும் தகுந்த பதிலடியாக அமைந்துள்ளதாகக் கிரிக்கெட் ரசிகர்கள் தெரிவித்து வருகின்றனர்.