சுவிட்சர்லாந்தின் Zug மாகாணத்தில் அமையவுள்ள புதிய ETH ஆராய்ச்சி மையத்திற்கு CHF 5.5 கோடி நிதியுதவி!

Zug மாகாணத்தில் உள்ள Tech Cluster வளாகத்தில் அமையவுள்ள இந்த புதிய மையத்தில், பல்கலைக்கழக மாணவர்கள், ஆய்வாளர்கள் மற்றும் உள்ளூர் தொழில்சார் நிறுவனங்களின் பயிற்சிப் பணியாளர்கள் இணைந்து பணியாற்றவுள்ளனர். 

 மொத்தம் 11 கோடி சுவிஸ் ஃப்ராங்க் மதிப்பீட்டில் உருவாக்கப்படவுள்ள இந்த முதல் கட்ட திட்டத்திற்கு, சூக் மாகாணம் 5.5 கோடி ஃப்ராங்கும், சூக் நகரம் 2.75 கோடி ஃப்ராங்கும் அளிக்கவுள்ளன. மீதித் தொகையை தொழில்சார் கூட்டாளர்களும் ETH சூரிச் நிர்வாகமும் வழங்கவுள்ளன. 

 OECD குறைந்தபட்ச வரி அமைப்பால் கிடைத்த கூடுதல் வருவாயைக் கொண்டு இந்த நிதி திட்டமிடப்பட்டுள்ளது. இந்த மையத்தின் கட்டுமானப் பணிகள் விரைவில் தொடங்கப்பட்டு, 2029-30 காலகட்டத்தில் செயல்படத் தொடங்கும் என எதிர்பார்க்கப்படுகிறது. 

 ஆராய்ச்சி மற்றும் தொழில்துறையை ஒன்றிணைக்கும் இந்த முயற்சிக்கு நாடாளுமன்றக் குழுக்கள் முழு ஆதரவு தெரிவித்துள்ளன.