நடிகர் அஜித் பங்கேற்கும் சர்வதேச கார் பந்தயத்தில் சிறப்பு விருந்தினராக முதலமைச்சர் விஜய்!

உலகப்புகழ் பெற்ற இங்கிலாந்தின் சில்வர்ஸ்டோன் மோட்டார் பந்தயக் களத்தில் இந்த வார இறுதியில் நடைபெறவுள்ள சர்வதேசக் கார் பந்தயத் தொடரை, தமிழ்நாடு முதலமைச்சர் விஜய் சிறப்பு விருந்தினராகக் கலந்துகொண்டு பச்சைக் கொடியசைத்துத் தொடங்கி வைக்கவுள்ளார்.

மோட்டார் ஸ்போர்ட்ஸ் உலகில் மிகவும் மதிப்புமிக்க களமாகக் கருதப்படும் இங்கிலாந்தின் சில்வர்ஸ்டோன் சுற்றில், இந்தியாவைச் சேர்ந்த பந்தய வீரர்கள் பலரும் பங்கேற்கின்றனர். ஐக்கிய இராச்சியத்தில் (UK) நடைபெறும் இந்தப் போட்டியில் பங்கேற்கும் இந்திய வீரர்களுக்குத் தனது ஆதரவைத் தெரிவிக்கும் வகையிலும், அவர்களை ஊக்கப்படுத்தும் வகையிலும் முதலமைச்சர் விஜய் இந்நிகழ்வில் பங்கேற்கிறார்.

இது குறித்து சில்வர்ஸ்டோன் பந்தய நிர்வாகம் வெளியிட்டுள்ள அதிகாரப்பூர்வ அறிவிப்பில், "இந்த வார இறுதியில் சில்வர்ஸ்டோன் பந்தயத்தை ஒரு சிறப்பு விருந்தினர் பச்சைக் கொடியசைத்துத் தொடங்கி வைக்கவுள்ளார். இந்திய நடிகரும், தமிழ்நாடு முதலமைச்சருமான சி. ஜோசப் விஜய், இங்கிலாந்தில் களம் காணும் இந்திய வீரர்களுக்கு ஆதரவளிக்கவும், போட்டியை முறைப்படி தொடங்கி வைக்கவும் நம்முடன் இணையவுள்ளார்" எனத் தெரிவிக்கப்பட்டுள்ளது.

திரையுலகில் சாதனைகளைப் படைத்து, தற்போது அரசியல் களத்திலும் முதலமைச்சராகப் பொறுப்பேற்றுள்ள விஜய், சர்வதேச அளவில் புகழ்பெற்ற ஒரு விளையாட்டு நிகழ்வில் சிறப்பு விருந்தினராக அழைக்கப்பட்டு போட்டியைத் தொடங்கி வைப்பது அவரது ரசிகர்களிடையேயும், இந்திய மோட்டார் ஸ்போர்ட்ஸ் விரும்பிகளிடையேயும் பெரும் நெகிழ்ச்சியையும் உற்சாகத்தையும் ஏற்படுத்தியுள்ளது.