‘பைசன் காளமாடன்’ திரைப்படத்திற்காக சிறந்த நடிகர் சைமா விருது வென்றார் துருவ் விக்ரம்!

மாரி செல்வராஜ் இயக்கத்தில் பா ரஞ்சித் தயாரிப்பில் உருவான ‘பைசன் காளமாடன்’ திரைப்படம் வெளியான நாளிலிருந்தே ரசிகர்களிடையேயும் விமர்சகர்களிடையேயும் பெரும் வரவேற்பைப் பெற்றது. கபடி விளையாட்டை மையமாகக் கொண்டு உருவான இத்திரைப்படத்திற்காகத் துருவ் விக்ரம் தனது உடலமைப்பை முழுமையாக மாற்றி, தீவிரமான பயிற்சிய மேற்கொண்டு நடித்திருந்தார்.

துருவ் விக்ரமின் இந்தத் தத்ரூபமான நடிப்பைப் பாராட்டும் வகையில், இந்த ஆண்டுக்கான சைமா விருது விழாவில் அவருக்குச் சிறந்த நடிகருக்கான விருது வழங்கிக் கௌரவிக்கப்பட்டுள்ளது. இவ்விருதைப் பெற்றுக் கொண்ட துருவ் விக்ரம், தனது இயக்குநர் மாரி செல்வராஜ், தயாரிப்பாளர் மற்றும் தனக்கு ஆதரவளித்த அனைத்து ரசிகர்களுக்கும் நெஞ்சார்ந்த நன்றிகளைத் தெரிவித்துக் கொண்டார். இந்த வெற்றியைக் குறித்துத் திரையுலகப் பிரபலங்களும் ரசிகர்களும் சமூக வலைதளங்களில் அவருக்கு வாழ்த்துகளைக் குவித்து வருகின்றனர்.