வீட்டில் கேஸ் வாசனை வருகிறதா? உயிர் காக்கும் 5 முக்கிய எச்சரிக்கை விதிகள்!

செய்யக்கூடாத 5 தவறுகள்:

லைட் சுவிட்சுகளை இயக்கக் கூடாது: மின்சார சுவிட்சுகளை போடுவதோ அல்லது அணைப்பதோ கூடாது. சுவிட்ச் இயங்கும்போது ஏற்படும் சிறிய மின்பொறி (Spark) கூட எரிவாயுவில் தீப்பற்ற போதுமானது.

தீப்பெட்டி, லைட்டர் பயன்படுத்தக் கூடாது: வாசனை எங்கு வருகிறது என்று பார்ப்பதற்காகத் தீப்பெட்டி கொளுத்துவது, லைட்டர் ஏற்றுவது அல்லது மெழுகுவர்த்தி பயன்படுத்துவது மிக ஆபத்தானது.

எக்ஸாஸ்ட் ஃபேன் (Exhaust Fan) போடக் கூடாது: கேஸை வெளியேற்ற எக்ஸாஸ்ட் ஃபேனையோ அல்லது மின்விசிறியையோ உடனே போடக் கூடாது.

செல்போன் பயன்படுத்தக் கூடாது: கேஸ் கசிவு உள்ள அறைக்குள் நின்று கொண்டு போன் பேசுவதைத் தவிர்க்க வேண்டும்.

மெயின் சுவிட்சை ஆஃப் செய்யக் கூடாது: மின்சார மெயின் போர்டில் சுவிட்சை உடனடியாக மாற்ற முயல்வதும் ஆபத்தையே ஏற்படுத்தும்.

உடனே செய்ய வேண்டியவை:

ரெகுலேட்டரை அணைக்கவும்: உடனடியாக சமையல் எரிவாயு உருளையின் (Cylinder) ரெகுலேட்டரை 'ஆஃப்' (OFF) செய்ய வேண்டும்.

கதவு, ஜன்னல்களைத் திறக்கவும்: வீட்டின் அனைத்துக் கதவு மற்றும் ஜன்னல்களை உடனே திறந்து காற்று முழுமையாக வெளியேற வழி செய்ய வேண்டும்.

பாதுகாப்பான இடத்திற்குச் செல்லவும்: குடும்பத்தினருடன் உடனடியாக வீட்டை விட்டு வெளியேறி, திறந்தவெளியில் நிற்க வேண்டும்.

அவசர உதவிக்கு அழைக்கவும்: ஆபத்து நீங்காத பட்சத்தில் உடனே எரிவாயு விநியோகஸ்தர் அல்லது தீயணைப்புத்துறை எண் 101-க்கு தொடர்பு கொள்ள வேண்டும்.