சில முட்டாள்களுக்கு பதில் சொல்லி நேரத்தை வீணடிக்காதீர்கள்!" – ரசிகர்களுக்கு நடிகர் சூர்யா வேண்டுகோள்!

தனியார் நிகழ்ச்சி ஒன்றில் கலந்துகொண்டு பேசிய அவர், இணையதளங்களில் உள்நோக்கத்துடன் செய்யப்படும் எதிர்மறை விமர்சனங்கள் குறித்து நிருபர்கள் எழுப்பிய கேள்விக்கு இவ்வாறு பதிலளித்தார்.

மேலும் பேசிய அவர், "நமது கவனமும் ஆற்றலும் பயனுள்ள காரியங்களிலும், நேர்மறையான எண்ணங்களிலுமே இருக்க வேண்டும். அநாவசியமான விமர்சனங்களுக்கும், முட்டாள்தனமான கருத்துகளுக்கும் பதில் அளித்துக் கொண்டிருப்பதே அவர்களை மேலும் ஊக்குவிப்பதாக அமைந்துவிடும். எனவே, அதை முற்றிலுமாகப் புறக்கணித்துவிட்டு உங்கள் வழியில் முன்னேறிச் செல்லுங்கள்" என்று பேசினார்.

சமீபகாலமாக சமூக வலைத்தளங்களில் நடிகர் சூர்யா மற்றும் அவரது படங்கள் குறித்து பல்வேறு கருத்து மோதல்கள் நிலவி வரும் சூழலில், அவரது இந்த காரசாரமான கருத்து ரசிகர்கள் மத்தியிலும், திரையுலக வட்டாரத்திலும் பெரும் பரபரப்பை ஏற்படுத்தியுள்ளது.