இலையுதிர் காலத்தின் ஆரம்பம்: சுவிஸில் மாறுபடும் வெப்பநிலை!

கோடைகாலம் முடிந்து செப்டம்பர் மாதம் பிறந்துள்ளதைத் தொடர்ந்து, சுவிட்சர்லாந்தில் வெப்பத்தின் தாக்கம் கணிசமாகக் குறைந்து இதமான காலநிலை நிலவத் தொடங்கியுள்ளது. கோடையின் இறுதிப் பகுதியாகவும்,Autumn தொடக்கமாகவும் அமையும் இந்த செப்டம்பர் மாதத்தில் சுவிஸின் வானிலையில் முக்கிய மாற்றங்கள் எதிர்பார்க்கப்படுகின்றன.  

தற்போது நாட்டின் பெரும்பாலான சமவெளிப் பகுதிகளில் பகல் நேரங்களில் மிதமான வெயிலும், காலை மற்றும் இரவு நேரங்களில் லேசான குளிரும் நிலவி வருகிறது.

செப்டம்பர் மாதத்தில் சமவெளி நகரங்களான Zurich, Bern மற்றும் Geneva ஆகிய பகுதிகளில் சராசரி வெப்பநிலை 10C முதல் 20C வரை பதிவாக வாய்ப்புள்ளது.

Alps மலைப் பகுதிகள் மற்றும் உயரமான இடங்களில் வெப்பநிலை 5C முதல் 15C வரை சரிந்து, குளிரின் தாக்கம் அதிகமாக இருக்கும்.

மாதம் முழுவதும் லேசானது முதல் மிதமான மழை பெய்ய வாய்ப்புள்ளது. குறிப்பாக மாலை நேரங்களில் அவ்வப்போது மேகமூட்டமும் சாரல் மழையும் எதிர்பார்க்கலாம்.  

வானிலையில் ஏற்படும் இந்த மாற்றங்களால், பொதுமக்கள் குறிப்பாக காலை மற்றும் இரவு நேரங்களில் வெளியே செல்லும்போது Light Jackets அணிந்து செல்வது நல்லது. மேலும், மலைப்பகுதிகளுக்கு சுற்றுலா மற்றும் பயணம் மேற்கொள்பவர்கள் தகுந்த பாதுகாப்பு ஆடைகளுடனும், வானிலை அறிக்கையைச் சரிபார்த்த பின்னரும் பயண திட்டங்களை அமைக்குமாறு கேட்டுக்கொள்ளப்படுகிறார்கள்.