'நடுநிலைமை' சட்ட விதியை மேலும் கடுமையாக்க சுவிஸில் முயற்சி: எதிர்த்து வாக்களிக்க மக்கள் ஆயத்தம்!

சுவிட்சர்லாந்தின் நீண்டகால நடுநிலைமைக் கொள்கை, சர்வதேச அரசியல் சூழல்கள் மற்றும் பொருளாதாரத் தடைகள் போன்றவற்றால் சவாலுக்குள்ளாகி வரும் நிலையில், அதை அரசியலமைப்பு ரீதியாக மேலும் பலப்படுத்த வேண்டும் என்ற நோக்கில் இந்த முன்மொழிவு கொண்டுவரப்பட்டுள்ளது.

எனினும், இந்தத் தீவிர நடுநிலைமைத் திருத்தத்திற்கு பெரும்பாலான சுவிஸ் மக்கள் ஆதரவு தெரிவிக்க மாட்டார்கள் என்றும், முன்மொழிவு தோற்கடிக்கப்படவே அதிக வாய்ப்புள்ளதாகவும் தற்போதைய கருத்துக்கணிப்புகள் தெரிவிக்கின்றன. நாட்டின் சர்வதேச உறவுகள் மற்றும் ஐரோப்பிய ஒன்றியத்துடனான ஒத்துழைப்புகள் பாதிக்கப்படலாம் என்ற அச்சமே இதற்குக் காரணம் என அரசியல் ஆய்வாளர்கள் சுட்டிக்காட்டுகின்றனர்.