மண்ணுக்கு அடியில் புதைந்த ஆற்றல்: St. Gallen மாகாணத்தில் ஆழமான Geothermal திட்டங்களை மீண்டும் புதுப்பிக்க திட்டம்!

சுவிட்சர்லாந்தின் St. Gallen மாகாணத்தில் 13 ஆண்டுகளுக்கு முன்பாக கைவிடப்பட்ட ஆழமான Geothermal Energy திட்டங்களை மீண்டும் தொடங்குவது குறித்த புதிய வாய்ப்புகள் ஆராயப்பட்டு வருகின்றன.

கடந்த 2013ஆம் ஆண்டு மேற்கொள்ளப்பட்ட துளையிடல் பணிகளின் போது 3.5 ரிக்டர் அளவில் நிலநடுக்கம் ஏற்பட்டதால், அப்போதைய திட்டம் உடனடியாக நிறுத்தப்பட்டது. இந்நிலையில், மாகாண அரசு வெளியிட்ட 178 பக்கங்கள் கொண்ட புதிய ஆய்வு அறிக்கையில், குறித்த பகுதி நிலத்தடி வெப்ப ஆற்றலைப் பெறுவதற்கு மிகவும் உகந்த மண்டலமாக வகைப்படுத்தப்பட்டுள்ளது.

இத்திட்டத்தின் மூலம் ஆண்டுக்கு 200 கிகாவாட்-மணிநேரத்திற்கும் அதிகமான வெப்ப ஆற்றலை உற்பத்தி செய்ய முடியும் எனவும், இது மாகாணத்தின் புதுப்பிக்கத்தக்க ஆற்றல் இலக்கில் ஐந்திலொரு பங்கை நிறைவு செய்யும் எனவும் தெரிவிக்கப்பட்டுள்ளது. நிலநடுக்க அபாயங்களைக் குறைக்கும் வகையில், இம்முறை மிகவும் பாதுகாப்பான Shallow Playபின்பற்றப்படும் என அதிகாரிகள் தெரிவித்துள்ளனர்.