கடும் வெப்பம் – மத்திய அரசை சாடிய பசுமைக் கட்சி

ஜெனீவாவைச் சேர்ந்த அரசியல்வாதியான மஸோன், கடுமையான வெப்ப அலைகளின் போது மக்களே தங்களைப் பாதுகாத்துக்கொள்ளும் நிலைக்கு அரசு விட்டுவிட்டதாக தெரிவித்துள்ளார்.

நீர் மேலாண்மை மற்றும் வெளிப்புறங்களில் பணியாற்றும் தொழிலாளர்களின் பாதுகாப்பு போன்ற விடயங்களில் அரசு போதிய நடவடிக்கை எடுக்கவில்லை என்றும் அவர் விமர்சித்துள்ளார்.

கூட்டாட்சி அரண்மனையில் புதைபடிவ எரிபொருள், வாகன மற்றும் அணுசக்தி தொழில்துறை குழுக்களின் செல்வாக்கு இருப்பதாகவும் மஸோன் குற்றம்சாட்டியுள்ளார். குறிப்பாக சுற்றுச்சூழல் அமைச்சர் ஆல்பர்ட் ரோஸ்டியை அவர் சுட்டிக்காட்டியுள்ளார்.

கோடைக்காலத்தில் ஏற்பட்ட கடும் வறட்சி மற்றும் வெப்பம் தொடர்பில் நாடாளுமன்றத்தின் இலையுதிர்கால கூட்டத்தொடர் நேற்று அவசர விவாதத்துடன் ஆரம்பமானது.

இதற்கிடையில், காலநிலை மாற்றத்துக்கு எதிரான போராட்டங்கள் செப்டம்பர் 19ஆம் திகதி சுவிட்சர்லாந்தின் பல பகுதிகளில் நடைபெறவுள்ளதாக அறிவிக்கப்பட்டுள்ளது.