ஜெனீவா ஏரியின் வரலாற்றுச் சிறப்புமிக்க நீராவிக் கப்பல்களுக்கு கூட்டாட்சி நிதி கோரிக்கை

மொத்தம் 200 தேசிய மன்ற உறுப்பினர்களில் 103 பேர், CGN நிறுவனத்தால் இயக்கப்படும் Belle Époque காலத்தைச் சேர்ந்த பழமையான கப்பல்களை பராமரித்து, புனரமைக்க கூட்டாட்சி அரசின் தொடர்ச்சியான நிதியுதவியை கோரும் பிரேரணையில் கையெழுத்திட்டுள்ளனர்.

நூறு ஆண்டுகளுக்கும் மேலான இந்த நீராவிக் கப்பல்களை தொடர்ந்து இயக்கவும் பராமரிக்கவும் சுமார் 150 மில்லியன் சுவிஸ் பிராங்குகள் தேவைப்படும் என CGN நிறுவனம் மதிப்பிட்டுள்ளது.

2024 மார்ச் மாதத்தில் Simplon நீராவிக் கப்பலில் ஏற்பட்ட கோளாறைத் தொடர்ந்து பொதுமக்களிடையே எழுந்த பெரும் எதிர்ப்பின் பின்னணியில் இந்த கோரிக்கை முன்வைக்கப்பட்டுள்ளது.

ஒட்டுமொத்த அரசுச் செலவினங்களை அதிகரிக்காமல், இந்த வரலாற்றுச் சிறப்புமிக்க கப்பல்களுக்கு தொடர்ந்து ஆதரவு வழங்க வேண்டும் என பிரேரணையில் வலியுறுத்தப்பட்டுள்ளது. ஜெனீவா மக்களுக்கு, இந்த நீராவிக் கப்பல்கள் ஏரியின் முக்கிய அடையாளங்களில் ஒன்றாகக் கருதப்படுகின்றன.