காலநிலை நெருக்கடியால் மாடுகளுக்கு தீவனத் தட்டுப்பாடு; சரியும் இறைச்சி விலை

சுவிட்சர்லாந்தில் நிலவும் காலநிலை நெருக்கடியால், கால்நடைகளுக்கான தீவனத்துக்கு தட்டுப்பாடு ஏற்பட்டுள்ளது. இதன் காரணமாக, மாடுகள் வழக்கத்தைவிட மெலிந்து காணப்படுகின்றன.

மிகவும் மெலிந்த மாடுகள் மற்றும் கன்றுகளின் விலையை அந்நாட்டின் பெரிய இறைச்சிக் கூடங்கள் குறைத்துள்ளதாக அறிவிக்கப்பட்டுள்ளது.

பெல் மற்றும் மைகார்னா ஆகிய நிறுவனங்கள், மிகவும் குறைந்த எடை கொண்ட பத்தாம் பிரிவு கால்நடைகளுக்கு ஒரு கிலோவுக்கு சுமார் நான்கு சுவிஸ் பிராங்குகள் வரை மட்டுமே வழங்குவதாகத் தெரிவிக்கப்பட்டுள்ளது.

தீவனம் தீர்ந்துபோன நிலையில், கால்நடைகளை விற்பதைத் தவிர விவசாயிகளுக்கு வேறு வழியில்லை என்றும், இந்தச் சூழ்நிலையை இறைச்சிக் கூடங்கள் பயன்படுத்திக் கொள்வதாகவும் விவசாயிகள் மற்றும் சில அரசியல்வாதிகள் குற்றம்சாட்டியுள்ளனர்.

ஆனால், அனைத்து கால்நடைகளையும் ஏற்றுக்கொண்டு, இந்த அசாதாரண சூழ்நிலையை சமாளிக்க தங்களால் முடிந்ததைச் செய்து வருவதாக இறைச்சிக் கூடங்கள் தெரிவித்துள்ளன. மேலும், கூடுதல் செலவுகளில் ஒரு பகுதியை தாங்களே ஏற்றுக்கொள்வதாக மைகார்னா கூறியுள்ளது.