சூரிச்சில் அபராதத்திற்கு பதிலாக சமூக சேவை செய்யும் தண்டனைக் கைதிகள் அதிகரிப்பு

சிறிய குற்றங்கள், அபராதம் செலுத்தாதது அல்லது அதிவேகமாக வாகனம் ஓட்டுவது போன்ற வழக்குகளில் அபராதம் விதிக்கப்படலாம். அதைச் செலுத்த முடியாதவர்களுக்கு சிறை அல்லது சமூக சேவை என்ற வாய்ப்பு வழங்கப்படுகிறது.

2025ஆம் ஆண்டு முதல் இந்தச் சேவைக்கான தகவல் மையத்தின் நிர்வாகத்தை சூரிச் மாகாணம் ஏற்றுக்கொண்டது. இதன் பின்னர் சமூக சேவையைத் தேர்வு செய்யும் நபர்களின் எண்ணிக்கை சுமார் 40 சதவீதம் அதிகரித்துள்ளதாக தெரிவிக்கப்பட்டுள்ளது.

2025 செப்டம்பர் முதல் 1,388 விண்ணப்பங்கள் பெறப்பட்டுள்ள நிலையில், அவற்றில் சுமார் 80 சதவீதம் வெற்றிகரமாக நிறைவேற்றப்பட்டுள்ளதாக தெரிவிக்கப்பட்டுள்ளது.

சமூக சேவையில் ஈடுபடுபவர்கள் சமையலறை பணிகள், எளிய கைவினைப் பணிகள், மறுசுழற்சி மற்றும் தோட்டப் பராமரிப்பு போன்ற வேலைகளில் ஈடுபடுத்தப்படுகின்றனர். இதற்காக சுமார் 250 நிறுவனங்களின் பட்டியலை மாகாணம் பராமரித்து வருகிறது.

சமூக சேவை மூலம் சிறைத் தண்டனையுடன் ஒப்பிடும்போது அரசுக்கும் செலவு குறைகிறது. சிறையில் ஒருவரை ஒரு நாள் வைத்திருக்க சுமார் 240 பிராங்குகள் செலவாகும் என தெரிவிக்கப்பட்டுள்ளது.

பெரும்பாலானவர்கள் சமூக சேவையை வெற்றிகரமாக நிறைவு செய்வதாகவும், இதன் மூலம் தங்களது அன்றாட வாழ்க்கை பாதிக்கப்படாமல் தண்டனையை நிறைவேற்ற முடிவதாகவும் தெரிவிக்கப்பட்டுள்ளது.