இசைப் பேரரசியாக உருமாறும் ராஷ்மிகா மந்தனா? திரையுலகில் புதிய எதிர்பார்ப்பு!

இந்திய இசையுலகின் புகழ்பெற்ற பாடகியும், ‘பாரத ரத்னா’ விருது பெற்ற முதல் இசைக்கலைஞருமான எம்.எஸ். சுப்புலட்சுமியின் வாழ்க்கை வரலாறு திரைப்படமாக உருவாக உள்ளதாகத் தகவல்கள் வெளியாகியுள்ளன.

தமிழ் திரையுலகில் முன்னணி தயாரிப்பு நிறுவனம் தயாரிக்கும் இந்த பிரம்மாண்ட பயோபிக் திரைப்படத்தில், எம்.எஸ். சுப்புலட்சுமியின் கதாபாத்திரத்தில் நடிக்க பிரபல நடிகை ராஷ்மிகா மந்தனாவிடம் பேச்சுவார்த்தை நடத்தப்பட்டு வருகிறது.

இந்திய அளவில் கவனம் ஈர்த்த பல படங்களில் நடித்து முன்னணி நடிகையாக வலம் வரும் ராஷ்மிகா, இந்த வரலாற்றுச் சிறப்புமிக்க கதாபாத்திரத்திற்கு பொருத்தமாக இருப்பார் என படக்குழு கருதுகிறது. கர்நாடக இசையின் சிகரமாக விளங்கிய எம்.எஸ். அவர்களின் இளமைக்காலம் முதல் அவரது கலைப் பயணம் மற்றும் புகழின் உச்சம் வரையிலான நிகழ்வுகள் இப்படத்தில் காட்சிப்படுத்தப்பட உள்ளன.

தற்போது திரைக்கதை அமைக்கும் பணிகள் தீவிரமாக நடைபெற்று வரும் நிலையில், நடிகர்கள் மற்றும் தொழில்நுட்பக் கலைஞர்கள் குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.