இத்தாலி ரயில் ஊழியர்கள் வேலைநிறுத்தம் - சுவிஸ் ரயில் சேவை பாதிப்பு

Florence-ல் இருந்து Zurich செல்லும் Eurocity 30 ரயில் ரத்து செய்யப்பட்டது. மேலும், Zurich-ல் இருந்து Florence செல்லும் Eurocity 37 ரயிலும் ரத்து செய்யப்படும் என அறிவிக்கப்பட்டது.

இத்தாலியின் பிராந்திய ரயில் சேவைகளிலும் பெருமளவில் பாதிப்பு ஏற்பட்டுள்ளது. Domodossola மற்றும் Chiasso பகுதிகளில் இருந்து Milan நோக்கிச் செல்லும் Eurocity ரயில்களும் பாதிக்கப்படலாம் என தெரிவிக்கப்பட்டுள்ளது.

எனினும், சுவிட்சர்லாந்துக்குள் அனைத்து ரயில்களும் வழக்கம்போல் இயக்கப்பட்டன. புதன்கிழமை முதல் இத்தாலி மற்றும் சுவிட்சர்லாந்து இடையிலான ரயில் சேவைகள் மீண்டும் வழக்கமான அட்டவணைக்கு திரும்பும் என SBB தெரிவித்துள்ளது.

மேலும், நெதர்லாந்திலும் புதன்கிழமை தேசிய ரயில் வேலைநிறுத்தம் நடைபெற உள்ளதால், Zurich–Amsterdam இரவு ரயில் சேவையும் பாதிக்கப்பட வாய்ப்புள்ளது.