டாக்சிகளுக்கான கூடுதல் விதிகளை நிராகரித்த Jura

பிளாட்ஃபார்ம் அடிப்படையிலான பயண சேவைகளுக்கும் பாரம்பரிய டாக்சி சேவைகளுக்கும் இடையே நியாயமான போட்டியை உறுதி செய்வதற்கான புதிய நடைமுறையை உருவாக்க வேண்டும் என சோசலிஸ்ட் கட்சி உறுப்பினர் Jelica Aubry-Janketic கோரிக்கை விடுத்திருந்தார்.

இந்தத் தீர்மானம் 38க்கு 21 என்ற வாக்கு வித்தியாசத்தில் நிராகரிக்கப்பட்டது.

பயணக் கட்டணங்களைக் குறைத்து சந்தைப் போட்டியை பாதிப்பதைத் தடுக்கும் வகையில், குறிப்பிட்ட அளவிலான விலை ஒழுங்குமுறையை அறிமுகப்படுத்த வேண்டும் என்றும், குறைந்தபட்ச ஊதியம் மற்றும் சமூகக் காப்பீட்டு விதிகளை கடுமையாக அமல்படுத்த வேண்டும் என்றும் தீர்மானத்தில் கோரப்பட்டிருந்தது.

Jura பகுதியில் Uber தனது சேவையை சமீபத்தில்தான் தொடங்கியுள்ள நிலையில், இந்தத் தீர்மானம் நிராகரிக்கப்பட்டுள்ளது.

இதன் மூலம், சுவிட்சர்லாந்தின் பிற பகுதிகளில் உள்ள டாக்சி ஓட்டுநர்கள் பல ஆண்டுகளாக எதிர்கொண்டு வரும் போட்டி அழுத்தங்களை, Jura பகுதியைச் சேர்ந்த டாக்சி ஓட்டுநர்களும் தொடர்ந்து எதிர்கொள்ள வேண்டிய நிலை ஏற்பட்டுள்ளது.