அனிருத் இசையில் கீர்த்தி சுரேஷின் குத்தாட்டம்: வைரலாகும் 'The Paradise' அப்டேட்!

தெலுங்கு திரையுலகின் முன்னனி நடிகரான 'நேச்சுரல் ஸ்டார்' நானி நடிப்பில் பிரம்மாண்டமாக உருவாகி வரும் The Paradise திரைப்படத்தில், தேசிய விருது பெற்ற நடிகை கீர்த்தி சுரேஷ் சிறப்புப் பாடல் ஒன்றிற்கு விறுவிறுப்பாக குத்தாட்டம் ஆடியுள்ளார்.

ஸ்ரீகாந்த் ஒடேலா இயக்கத்தில் 'தசரா' திரைப்படத்தின் மாபெரும் வெற்றியைத் தொடர்ந்து, மீண்டும் நானி - கீர்த்தி சுரேஷ் கூட்டணி இணைந்துள்ளது ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது.

அனிருத் இசையமைப்பில் உருவாகியுள்ள 'யேஷனகுலா' எனும் இந்த அதிவேகக் குத்தாட்டப் பாடலுக்குக் கீர்த்தி சுரேஷ் சிறப்பு நடனமாடியுள்ளதை படக்குழு அதிகாரப்பூர்வமாக உறுதிப்படுத்தியுள்ளது. 'நெனு லோக்கல்' மற்றும் 'தசரா' ஆகிய வெற்றிப் படங்களைத் தொடர்ந்து, நானி - கீர்த்தி சுரேஷ் இணையும புதிய நடனக் காட்சி இணையத்தில் வைரலாகி வருகிறது.

சமூக வலைதளங்களில் இந்தப் பாடல் தொடர்பான புகைப்படங்கள் வெளியாகி ரசிகர்கள் மத்தியில் பெரும் வரவேற்பைப் பெற்று வருகின்றன.