A412 நெடுஞ்சாலைக்கு எதிராக ஜெனீவா மற்றும் அண்டை நகராட்சிகள் சட்ட நடவடிக்கை

Jussy, Meinier, Presinge மற்றும் Puplinge உள்ளிட்ட நகராட்சிகள், நெடுஞ்சாலை திறக்கப்பட்ட பின்னர் Machilly பகுதியில் வெளியேறும் வாகனங்கள் குடியிருப்புப் பகுதிகள் வழியாக அதிக அளவில் செல்லக்கூடும் என அச்சம் தெரிவித்துள்ளன.

இதனால் கிராமப்புறங்களில் போக்குவரத்து நெரிசல், சத்தம் மற்றும் காற்று மாசுபாடு அதிகரிக்கலாம் என அவர்கள் கூறுகின்றனர். இதற்கிடையில், பிரான்ஸ் பகுதியில் நெடுஞ்சாலை அமைப்புக்கான நிலம் அகற்றும் பணிகள் செப்டம்பர் மாதம் தொடங்கியுள்ளன.

Lake Machilly அருகே ஈரநிலங்கள் அழிக்கப்படுவதற்கு எதிர்ப்பு தெரிவித்து கடந்த வார இறுதியில் சுமார் ஆயிரம் பேர் போராட்டத்தில் ஈடுபட்டதாக தெரிவிக்கப்பட்டுள்ளது.

மேலும், ஜெனீவா வாக்காளர்கள் செப்டம்பர் 27ஆம் தேதி, பிரான்சுக்கு 39 மில்லியன் சுவிஸ் பிராங்குகள் நிதி வழங்குவதற்கான திட்டத்திற்கு ஒப்புதல் அளித்துள்ளனர். இந்த நிதி Park-and-Ride வசதிகள் மற்றும் பொதுப் போக்குவரத்தை மேம்படுத்த பயன்படுத்தப்பட்டு, ஜெனீவா மண்டலத்துக்குள் நுழையும் கார்களின் எண்ணிக்கையை குறைப்பதே நோக்கமாகும்.