சுவிட்சர்லாந்தில் 5 ஆண்டுகளுக்குப் பின் குறைந்த வாடகை கட்டணம் – ரியல் எஸ்டேட் சந்தையில் வீழ்ச்சி!

கடந்த 2019-2020 ஆம் ஆண்டிற்குப் பிறகு தொடர்ச்சியாக அதிகரித்து வந்த குடியிருப்பு வாடகைச் செலவுகள், தற்போது நாடு தழுவிய அளவில் சராசரியாக 1.7 சதவீதம் வரை குறைந்துள்ளன. குறிப்பாக Ticino பிராந்தியத்தில் 10.9 சதவீதமும், Zurich நகரில் 3.3 சதவீதமும் வாடகை விலைகளில் கணிசமான வீழ்ச்சி பதிவாகியுள்ளது.

சந்தையில் புதிய வீடுகளின் வரத்து அதிகரித்தமை மற்றும் ரியல் எஸ்டேட் முதலீடுகளில் ஏற்பட்ட மாற்றங்களே இந்த விலை வீழ்ச்சிக்கு முக்கியக் காரணமாகக் கூறப்படுகிறது.

நீண்ட நாட்களாக உயர்ந்து வந்த வாடகை கட்டணங்கள் தற்போது குறையத் தொடங்கியுள்ளது சுவிட்சர்லாந்தில் வசிக்கும் வாடகைதாரர்களுக்குப் பெரும் நிம்மதியை அளித்துள்ள அதேவேளையில், ரியல் எஸ்டேட் முதலீட்டாளர்கள் மற்றும் வீட்டின் உரிமையாளர்கள் மத்தியில் சற்றே தேக்கநிலையை ஏற்படுத்தியுள்ளது