மனிதர்களை மிஞ்சிய எந்திர வேகம்: உசேன் போல்ட் சாதனையைத் தகர்த்த அதிநவீன ரோபோ!

மனிதர்களின் வேகத்தின் உச்சமாகக் கருதப்பட்ட உசைன் போல்ட்டின் சாதனையை, அதிநவீன தொழில்நுட்பத்தால் உருவாக்கப்பட்ட ரோபோ ஒன்று முறியடித்துப் புதிய மைல்கல்லை எட்டியுள்ளது.

உலகின் அதிவேக மனிதரான ஜமைக்காவின் Usain Bolt, 2009-ஆம் ஆண்டு 100 மீட்டர் ஓட்டப்பந்தயத்தை 9.58 வினாடிகளில் கடந்து படைத்த உலகச் சாதனை, விளையாட்டு உலகின் முறியடிக்க முடியாத சவாலாக இருந்தது.

தற்போது, அந்த வரலாற்றுச் சாதனையைத் தகர்த்து புதிய புதிய உலகப் பதிவை உருவாக்கியுள்ளது ஒரு Humanoid Robot.

சமீபத்தில் நடத்தப்பட்ட செயற்கை நுண்ணறிவு மற்றும் எந்திரவியல் பரிசோதனையில், இந்த ரோபோ 100 மீட்டர் தூரத்தை வெறும் 9.39 வினாடிகளில் கடந்து அதிர்ச்சி அளித்துள்ளது.

மனித தசைகளின் இயக்கத்தை விடப் பல மடங்கு வேகமாகவும் நெகிழ்வாகவும் இயங்கும் வகையில் உருவாக்கப்பட்டுள்ள இதன் கால்கள், ஓடும் போது அதிகபட்ச நிலைத்தன்மையையும் வேகத்தையும் வழங்குகின்றன.

செயற்கை நுண்ணறிவு கட்டுப்பாடுகள் மூலம் நொடிக்கு பலநூறு முறை தன்னுடைய சமநிலையைச் சரிசெய்து கொண்டு இந்த ரோபோ இந்த சாதனையைப் படைத்துள்ளது.

விளையாட்டுத் துறையிலும் எந்திரவியல் துறை சார்ந்த புதிய கண்டுபிடிப்புகளிலும் இந்த சாதனை மிகப்பெரிய விவாதத்தையும் ஆச்சரியத்தையும் ஏற்படுத்தியுள்ளது.