"எனக்கே தெரியாமல் கல்யாணமா?" - வதந்திக்கு முற்றுப்புள்ளி வைத்த மமிதா பைஜு!

சமீபத்தில் இன்ஸ்டாகிராம் பக்கம் ஒன்றில், "நடிகை மமிதா பைஜுவின் வாழ்க்கையிலும், அவர் யாரைத் திருமணம் செய்துகொள்ள வேண்டும் என்பதிலும் அவரது சகோதரர் மிதுன் பைஜு தான் அனைத்து முடிவுகளையும் எடுக்கிறார்" எனப் பதிவிடப்பட்டிருந்தது.

இத்தகவலைக் கண்டு அதிர்ச்சியடைந்த நடிகை மமிதா பைஜு, அந்தப் பதிவை தனது இன்ஸ்டாகிராம் ஸ்டோரியில் பகிர்ந்து, "என்னது இது? எனக்குத் தெரியாமலேயே எனக்குத் திருமணம் முடிவாகிவிட்டதா?" என்று நகைச்சுவையாகக் கேள்வி எழுப்பியுள்ளார்.

மேலும், தன் சகோதரரைக் குறிப்பிட்டு, "மிதுன்... நீ எப்போதிலிருந்து எனது திருமண முடிவுகளை எடுக்கத் தொடங்கினாய்?" எனக் கிண்டலாகக் கேட்டு, இந்த வதந்தி முற்றிலும் உண்மையற்றது என்பதைத் தெளிவுபடுத்தியுள்ளார்.

மமிதா பைஜுவின் இந்தச் சமயோசிதமான மற்றும் நகைச்சுவையான பதில், தற்போது சமூக வலைதளங்களில் வைரலாகி வருவதுடன், வதந்திகளுக்கும் முற்றுப்புள்ளி வைத்துள்ளது.