சுவிஸ் கார் மறுசுழற்சி ஆலையில் பயங்கர தீ – கடும் புகை மண்டலம்

தீ விபத்தைத் தொடர்ந்து அந்தப் பகுதியில் இருந்து மிகப்பெரிய புகைத்தூண் எழுந்ததாகவும், இதனை அப்பகுதி மக்கள் புகைப்படங்கள் மற்றும் காணொளிகளாக பதிவு செய்து பகிர்ந்துள்ளதாகவும் தெரிவிக்கப்பட்டுள்ளது.

சூரிச் மாகாண காவல்துறை சம்பவ இடத்துக்கு விரைந்து சென்று நடவடிக்கைகளை மேற்கொண்டுள்ளது. தீ விபத்துக்கான காரணம் இதுவரை தெளிவாகத் தெரியவில்லை.

தீ காரணமாக அப்பகுதியில் கடுமையான மற்றும் விரும்பத்தகாத துர்நாற்றம் ஏற்பட்டுள்ளதுடன், போக்குவரத்திலும் இடையூறுகள் ஏற்பட்டுள்ளன.

முன்னெச்சரிக்கை நடவடிக்கையாக, அப்பகுதியில் உள்ளவர்கள் ஜன்னல்கள் மற்றும் கதவுகளை மூடி வைக்குமாறும், குளிரூட்டும் மற்றும் காற்றோட்ட அமைப்புகளை அணைக்குமாறும் அறிவுறுத்தப்பட்டுள்ளனர்.

இந்நிலையில், தீ விபத்தில் இதுவரை யாருக்கும் காயம் ஏற்பட்டதாக தகவல் இல்லை என சூரிச் மாகாண காவல்துறை தெரிவித்துள்ளது. தீ விபத்துக்கான காரணம் மற்றும் ஏற்பட்ட சேதம் குறித்து விசாரணைகள் தொடர்ந்து நடைபெற்று வருகின்றன.