34 ஆண்டுகளுக்கு முன் மாயமான மலையேற்ற வீரர்கள்: பனிப்பாறை உருகியதால் வெளிவந்த உண்மை!

சுவிட்சர்லாந்தின் ஆல்ப்ஸ் மலையில் 34 ஆண்டுகளுக்கு முன்பு மலையேற்றத்திற்குச் சென்று மாயமான இருவரின் உடல்கள், பனிப்பாறைகள் உருகியதால் தற்போது கண்டுபிடிக்கப்பட்டுள்ளன.

பெல்ஜியம் நாட்டைச் சேர்ந்த இருவர், 1992-ஆம் ஆண்டு செப்டம்பர் மாதத்தில் சுவிட்சர்லாந்தில் உள்ள ஆல்ப்ஸ் மலையின் Weissmies பகுதிக்கு மலையேற்றம் சென்றனர். மோசமான வானிலை காரணமாக வழியிலேயே அவர்கள் மாயமாகினர்.

அப்போது மேற்கொள்ளப்பட்ட தீவிரத் தேடுதல் வேட்டையில் அவர்களுடைய ஒரு பறை/பயணப் பை மட்டுமே கிடைத்தது; நபர்களைக் கண்டுபிடிக்க முடியாமல் இந்த வழக்கு பல தசாப்தங்களாகத் தீர்க்கப்படாமல் இருந்தது.

தற்போது புவி வெப்பமயமாதல் காரணமாக ஆல்ப்ஸ் மலையின் Trift Glacier பனிப்பாறைகள் வேகமாக உருகி வருகின்றன. இதில், 34 ஆண்டுகளாகப் பனிக்குள் உறைந்திருந்த இருவரின் உடல்களும் வெளியே தெரியவந்துள்ளன.

மலையேற்றப் பயிற்சியாளர் ஒருவர் அளித்த தகவலின் பேரில் மீட்புக் குழுவினர் உடல்களைக் கைப்பற்றி, DNA பரிசோதனை மேற்கொண்டனர். இதில் அவர்கள் 34 ஆண்டுகளுக்கு முன்பு மாயமான பெல்ஜியத்தைச் சேர்ந்த மலையேற்ற வீரர்கள் என்பது அதிகாரப்பூர்வமாக உறுதி செய்யப்பட்டுள்ளது.

ஆல்ப்ஸ் மலையில் பனிப்பாறைகள் தொடர்ந்து உருகி வருவதால், கடந்த காலங்களில் மாயமான பலரின் உடல்கள் மற்றும் பொருட்கள் இதுபோன்ற சூழலில் வெளிவந்து கொண்டிருக்கின்றன என்பது குறிப்பிடத்தக்கது.