வரலாற்றைப் பாதுகாக்க புதிய முயற்சி: 22 லட்சம் பக்கங்களை டிஜிட்டல் முறைக்கு மாற்றும் சுவிட்சர்லாந்து ஆவணப்பகம்!

சுவிட்சர்லாந்தில் உள்ள பழமையான வரலாற்று ஆவணங்களைப் பாதுகாக்கும் நோக்கில், 'சென் கேலன்' அபேயி ஆவணப்பகம் தனது வரலாற்று நூல்கள் மற்றும் ஆவணங்களின் 22 லட்சம் பக்கங்களை டிஜிட்டல் முறைக்கு மாற்றும் திட்டத்தை அதிகாரப்பூர்வமாகத் தொடங்கியுள்ளது.

சுமார் 10 லட்சம் சுவிஸ் பிராங்க் (1 Million CHF) செலவில் மேற்கொள்ளப்படும் இந்தத் திட்டம், வரும் 2028-ஆம் ஆண்டிற்குள் நிறைவடையும் என எதிர்பார்க்கப்படுகிறது. இதற்காக அதிநவீன ஸ்கேனர்கள் பயன்படுத்தப்பட்டு, நாளொன்றுக்கு சுமார் 2,800 பக்கங்கள் வரை டிஜிட்டல் மயமாக்கப்பட்டு வருகின்றன.

  இந்த முக்கியமான திட்டத்தின் மூலம், பழங்கால வரலாற்று ஆவணங்கள் சேதமடையாமல் பாதுகாக்கப்படுவதோடு, உலகெங்கிலும் உள்ள ஆராய்ச்சியாளர்களும் எதிர்கால தலைமுறையினரும் இந்த வரலாற்றுப் பொக்கிஷங்களை எளிதில் இணையவழியில் பார்வையிட வழிவகை செய்யப்பட்டுள்ளது.