ட்வின்ட் பயனர்களுக்கான புதிய அம்சம்

Twint-ஐ பயன்படுத்தும் 60 லட்சத்துக்கும் அதிகமான வாடிக்கையாளர்களுக்கு இந்த புதிய வசதி தற்போது கிடைக்கிறது.

இதில் சுமார் 1,500 பொருட்கள் பட்டியலிடப்பட்டுள்ளதுடன், பயனர்கள் தங்களுக்குத் தேவையான பொருட்களையும் பட்டியலில் சேர்க்க முடியும்.

இந்தப் பட்டியலை குறியீட்டின் மூலம் மற்றவர்களுடன் பகிர்ந்துகொள்ள முடியும். இதன் மூலம், ஒரே குடும்பத்தைச் சேர்ந்தவர்கள் அல்லது வீட்டில் வசிப்பவர்கள், பொருட்களை வாங்கிய பின்னர் அவற்றை பட்டியலில் சரிபார்த்துக்கொள்ளலாம்.

எனினும், இந்த ஷாப்பிங் பட்டியல் தற்போது Twint-ன் பணம் செலுத்தும் வசதியுடன் நேரடியாக இணைக்கப்படவில்லை. எனவே, கடையில் Twint மூலம் பணம் செலுத்திய பின்னரும், வாங்கிய பொருட்களைப் பயனர்கள் கைமுறையாகச் சரிபார்க்க வேண்டியுள்ளது.

Twint சேவையை மக்களின் அன்றாட வாழ்க்கையில் மேலும் ஒருங்கிணைப்பதே இந்த நடவடிக்கையின் நோக்கம் என நிறுவனத்தின் தலைமை நிர்வாக அதிகாரி Markus Kilb தெரிவித்துள்ளார்.

தொடர்ச்சியான கட்டணங்களுக்கான நேரடிப் பற்று வசதியையும் 2027ஆம் ஆண்டில் அறிமுகப்படுத்த Twint திட்டமிட்டுள்ளதாக அவர் கூறியுள்ளார்.