சுவிட்சர்லாந்தில் புதிய ஆன்லைன் மோசடி: Food Delivery வாடிக்கையாளர்களின் Credit Card விவரங்கள் திருட்டு!

சுவிட்சர்லாந்தில் Food Delivery Services பயன்படுத்தும் வாடிக்கையாளர்களின் Credit Card விவரங்களைத் திருடும் புதிய ஆன்லைன் மோசடி குறித்து சுவிஸ் கூட்டாட்சி சைபர் பாதுகாப்பு அலுவலகம் (Federal Office for Cybersecurity) எச்சரிக்கை விடுத்துள்ளது.  

பிரபல உணவு டெலிவரி இணையதளங்களின் Payment Page Skimming எனப்படும் Malicious Code ஊடுருவச் செய்து, ஹேக்கர்கள் இந்தத் தரவுத் திருட்டில் ஈடுபட்டுள்ளது தெரியவந்துள்ளது. 

வாடிக்கையாளர்கள் கட்டணம் செலுத்தும் போது, போலியாக உருவாக்கப்படும் Pop-up சாளரத்தின் மூலம் அவர்களின் வங்கி மற்றும் கடன் அட்டை விவரங்களை மோசடி செய்பவர்கள் நேரடியாகத் திருடிச் செல்கின்றனர்.  

எனவே, ஆன்லைன் மூலம் உணவுகளை ஆர்டர் செய்யும் பொதுமக்கள், கட்டணம் செலுத்தும் முறைகளில் ஏதேனும் சந்தேகத்திற்கிடமான மாற்றங்கள் அல்லது பிழைகள் இருந்தால் விழிப்புடன் இருக்குமாறும், வங்கிப் பரிவர்த்தனைகளைக் கவனமாகக் கண்காணிக்குமாறும் சைபர் பாதுகாப்பு நிபுணர்கள் அறிவுறுத்துகிறார்கள்.