பயணக் கட்டண முறைகேட்டைத் தடுக்க புதிய வழி: Swiss Railways அதிரடித் திட்டம்.

சுவிட்சர்லாந்து நாட்டின் தேசிய இரயில்வே நிறுவனமான SBB, நீண்ட தூர இரயில்களில் உரிய Ticket இன்றிப் பயணிப்போரைக் கண்டறிந்து தடுத்து நிறுத்துவதற்காக ஒரு புதிய கண்காணிப்பு முறையை அறிமுகப்படுத்தியுள்ளது. இதன் ஒரு பகுதியாக,Plainclothes inspectors இருக்கும் அதிகாரிகளைத் தணிக்கைக்காகப் பணியமர்த்தத் தொடங்கியுள்ளது.

வழக்கமாக ரயில் டிக்கெட் பரிசோதகர்கள் (TTE) சீருடையுடன் வருவதால், முறைகேடுகளில் ஈடுபடுவோர் அதனை முன்கூட்டியே அறிந்து கொண்டு தப்பித்துக் கொள்வதைத் தவிர்க்கவே இந்த ஏற்பாடு செய்யப்பட்டுள்ளது.

புதிய முறையின் சிறப்பம்சங்கள்:

சாதாரண உடையில் வலம்வரும் இந்த சிறப்பு அதிகாரிகள், பயணிகள் மத்தியில் எளிதில் அடையாளம் காண முடியாதவாறு மாறுவேடத்தில் இருப்பார்கள்.

நீண்ட தூர இரயில்களில் திடீர் தணிக்கை மேற்கொண்டு, பயணிகளிடம் முறையான டிக்கெட் அல்லது பயண அட்டை உள்ளதா என்பதைத் தீவிரமாகச் சோதிப்பார்கள்.

பொதுப் போக்குவரத்து முறையில் ஏற்படும் வருவாய் இழப்பைத் தவிர்க்கவும், அனைவரும் முறையாகக் கட்டணம் செலுத்துவதை உறுதி செய்யவும் இந்த முறை பெரிதும் உதவும் என SBB நிர்வாகம் தரப்பில் தெரிவிக்கப்பட்டுள்ளது.

ஐரோப்பிய நாடுகளில் பொதுப் போக்குவரத்து சேவைகளில் ஒழுக்கத்தைக் கட்டாயப்படுத்த இது போன்ற நவீன மற்றும் தீவிர நடவடிக்கைகள் எடுக்கப்பட்டு வருவது குறிப்பிடத்தக்கது.