சுவிட்சர்லாந்தில் பெற்றோர் கவலை: பள்ளிக்குச் செல்லும் பாதைகள் மிகவும் ஆபத்தானவை என அதிரடி ஆய்வு முடிவுகள்!

போக்குவரத்து மற்றும் சுற்றுச்சூழல் சங்கம் (VCS / ATE) மேற்கொண்ட இந்த ஆய்வில், 70 சதவீத குழந்தைகள் நடந்து பள்ளிக்குச் செல்லும் நிலையில், அவர்களில் 85 சதவீதமானோர் மணிக்கு 50 கிலோமீட்டருக்கும் அதிகமான வேகத்தில் வாகனங்கள் செல்லும் வீதிகளைக் கடக்க நேரிடுவதாகச் சுட்டிக்காட்டப்பட்டுள்ளது.

குறிப்பாக, சுவிட்சர்லாந்தின் பிரெஞ்சு மொழி பேசும் பகுதிகள் மற்றும் Ticino மாகாணத்தைச் சேர்ந்த பெற்றோரே அதிகளவில் இத்தகைய பாதுகாப்பின்மையை உணர்வதாகத் தெரிவிக்கின்றனர்.

இதனைத் தொடர்ந்து, உள்ளாட்சி அமைப்புகள் பாதசாரிகளுக்கான தனியான நடைபாதைகளை அமைக்க வேண்டும் எனவும், வேகக் கட்டுப்பாடுகளைக் குறைத்து வீதிப் பாதுகாப்பை உடனடியாக உறுதி செய்ய வேண்டும் எனவும் போக்குவரத்துச் அமைப்புகள் கோரிக்கை விடுத்துள்ளன.