அரசியல் தலையீடு எதிரொலி: சாம்பியன்ஸ் கிண்ணம் இலங்கையிடம் இருந்து பறிப்பு!

2027 ஆம் ஆண்டில் நடைபெறவுள்ள முதலாவது மகளிர் சாம்பியன்ஸ் கிண்ணத் தொடரை நடத்தும் உரிமையை ஸ்ரீலங்கா கிரிக்கெட் நிறுவனத்திடமிருந்து (SLC) சர்வதேச கிரிக்கெட் நிர்வாகம் (ICC) திரும்பப் பெற்றுள்ளது.

இலங்கை கிரிக்கெட் நிர்வாகத்தில் அரசின் தலையீடு குறித்த கவலைகளைத் தொடர்ந்து இந்த நடவடிக்கை எடுக்கப்பட்டுள்ளது.

போட்டி நடத்தும் நாடான இலங்கை உட்பட மொத்தம் ஆறு அணிகள் இதில் பங்கேற்கும் என்று எதிர்பார்க்கப்பட்ட நிலையில், இந்த மாற்றம் இப்போட்டியில் இலங்கையின் பங்கேற்பையும் பாதிக்கக்கூடும்.

தற்போது இத்தொடரை வேறொரு நாட்டிற்கு மாற்ற ஐசிசி திட்டமிட்டுள்ளது, இதற்கான புதிய இடம் இன்னும் முடிவு செய்யப்படவில்லை.

இது குறித்து ஐசிசியின் அடுத்த நிர்வாகக் குழு கூட்டத்தில் விவாதிக்கப்படும் என்று எதிர்பார்க்கப்படுகிறது.

தொடக்க சீசனைப் பொறுத்தவரை, போட்டியை நடத்தும் நாடான இலங்கையுடன் சேர்த்து முதல் ஐந்து அணிகள் இதில் பங்கேற்கும் வகையில் திட்டமிடப்பட்டிருந்தது.