காலநிலை மாற்றத்துக்கு எதிராக சுவிட்சர்லாந்தில் பேரணி

லோசானில் மட்டும் 5 ஆயிரம் முதல் 6 ஆயிரம் பேர் வரை பேரணியில் பங்கேற்றதாக ஏற்பாட்டாளர்கள் தெரிவித்துள்ளனர். “மூச்சுத் திணறுவது தவிர்க்க முடியாதது அல்ல” என்ற வாசகம் அடங்கிய பதாகையை ஏந்தியபடி அவர்கள் பேரணியாக சென்றனர்.

காலநிலை விவகாரத்தை கையாளும் சுற்றுச்சூழல் அமைச்சர் ஆல்பர்ட் ரோஸ்டியின் செயல்பாடுகளை விமர்சிக்கும் பதாகைகளும் பேரணியில் இடம்பெற்றன. மேலும், “50 டிகிரி வெப்பத்தில் வகுப்பறைகள் வேண்டாம்” என்ற வாசகங்களுடன் குழந்தைகளும் பங்கேற்றனர்.

வலுவான காலநிலை நடவடிக்கைகள் மேற்கொள்ளப்படாவிட்டால், 2050-ஆம் ஆண்டுக்குள் வெப்பநிலை 50 டிகிரி செல்சியஸ் வரை உயரக்கூடும் என போராட்ட ஏற்பாட்டாளர்கள் எச்சரித்துள்ளனர்.

சுவிட்சர்லாந்தின் பல்வேறு நகரங்களில் அக்டோபர் 2-ஆம் தேதி வரை தொடர் போராட்டங்கள் நடைபெற உள்ளதாகவும் தெரிவிக்கப்பட்டுள்ளது.